Pulo Buru

pulo ing Indonésia

Pulo Buru iku salah siji pulo gedhé ing Kapuloan Maluku. Jembaré 8.473,2 km², lan dawané garis pasisir 427,2 km, Pulo Buru ana ing urutan katelu sawisé Pulo Halmahera ing Maluku Lor lan Pulo Seram ing Maluku Tengah. Lumrahé Pulo Buru wujud pabukitan lan pagunungan. Puncak palin dhuwur nganti 2.736 m dhuwuré.

Buru tpc 1967.jpg

Pulo iki misuwur minangka Pulo pengasingan tumrap para tahanan pulitik ing jaman pamaréntahan Soeharto.

DhémografiBesut

Miturut data BPS ing taun 1997, cacahing kang ndunungi Pulo Buru ana 105.222 jiwa. Wektu iku Buru dumadi saka telung kacamatan, ya iku Buru Lor-kulon kanthi kutha krajan kacamatan ing Air Buaya, Buru Lor-wétan kanthi kutha krajan kacamatan ing Namlea lan Buru Kidul kanthi kutha krajan kacamatan ing Leksula. Katelu kacamatan mau dumunung ana ing wewengkon Kabupatèn Maluku Tengah kang kutha krajané ing Masohi, Seram. Komposisi kang ndunungi miturut agama taun 1997: 48% Islam, 41% Kristen lan 11% liya-liya.

Ana sawatara golongan ètnis kang manggon ing Buru: ètnis asli, ya iku Buru (ing tlatah pasisir lan ing pedalaman); lan ètnis saka jaba, ya iku Ambon, Maluku Tenggara (mligi Kei), Ambalau, Kep. Sula (mligi Sanana), Buton, Bugis, Jawa (mligi ing laladan pemukiman transmigrasi). Ora diweruhi data ngenani komposisi kang ndunungi miturut ètnis.

Uga delengenBesut