Réferèndum ngenani Britania olèhé dadi anggota Uni Éropah (2016)

Réferèndum ngenani Britania olèhé dadi anggota Uni Éropa iku kalaksanan ing tanggal 23 Juni 2016. Réferèndum iki prakara Britania prelu ora metu saka Uni Éropa. Perkara iki uga diarani Brexit.

Kasil réferèndum ing Britania miturut konstituènsi utawa distrik pamilihan. Biru tegesé metu saka UE, kuning tegesé tetep ing UE.

Nayakotama David Cameron lan kabinèté saka Parté Konservatif sadurungé réferèndum wis celathu manawa kasilé bakal digubris. Para pamilih ing Inggris lan Wales padha milih metu (leave), kamangka para pamilih ing Sekotlan lan Irlandia Lor padha milih panggah mèlu (remain).

Cacahé rakyat Britania sing ndarbèni hak pilih ana 46,5 yuta jiwa. Sing mèlu pamilihan ana 72,2%. Kanggo metu saka Uni Éropa 51,9% wong milih lan sing péngin panggah mèlu UE cacahé ana 48,1%.

Kasil réfèrendum iki ora wajib dilakoni, nanging wong ngira manawa Britania bakal metu. Sing bisa nemtokaké metu utawa ora namung Parlemèn Britania.

Manawa Parlemèn Britania mutusaké arep metu, prosès pasal 50 saka Undang-Undang Uni Éropa kudu dilakoni lan pamaréntah Britania kudu ngajokaké karepé péngin metu marang Uni Éropa kanthi resmi.