Randai
Randai inggih punika satunggalipun seni téater ètnik Minangkabau ingkang nggabungaken manèka warni kasenian, kados musik, jogèdan, drama, lagu, lan pencak silat.[1] Limrahipun kasenian Randai dipungelar nalika wonten adicara upacara adat utawi sukuran.[1] Kasenian punika saged dipungelar ing pinten-pinten dinten gumantung kaliyan caritanipun.[1] Randai dipungelar minangka téater ing satunggalipun bundheran amrih supados wonten raos manunggalipun peserta Randai lan pamiyarsanipun.[2] Kasenian Randai kalebet gabungan jogèd, seni bela dhiri, jogèd rakyat, nyanyian utawi lagu, lan lakon utawi carita ingkang dipungelar.[1] Carita dipungelar kanthi lakon lan nyanyian lan kathahipun kanthi adhédhasar legénda lan carita rakyat Minangkabau.[1] Wonten lakon carita ingkang dipungelar kados carita Cindua Mato, Malin Deman, Anggun Nan Tongga, lan carita sanèsipun.[1] Kasenian Randai gadhah mangfaat minangka hiburan kanggé masarakat.[1]
Randai asalipun saking abad kaping 20, asil gabungan seni bela dhiri Minangkabau, carita, lan tradisi pagelaran sanèsipun.[3] Tiyang jaler rumiyin limrahipun maragakaken paraga dhobel (paraga jaler lan èstri), nanging wiwit taun 1960-an tiyang èstri ugi sampun saged ndhérék pagelaran kasenian punika.[1]
Pranala njawi besut
Cathetan suku besut
- ↑ a b c d e f g h [Pauka, Kirstin. 1998. The Daughters Take Over? Female Performers in Randai Theatre. Journal:The Drama Review; volume=42; issue=1; kaca 113–121; doi=10.1162/105420498760308706]
- ↑ [Pauka, Kirstin. 2003. Umbuik Mudo and the Magic Flute: A Randai Dance-Drama. Journal:Asian Theatre Journal; volume=20; issue=2]
- ↑ [Cohen, Matthew Isaac. 2003. Look at the Clouds: Migration and West Sumatran ‘Popular’ Theatre. Journal:New Theatre Quarterly; volume:19; issue:3; kaca:214–229; doi=10.1017/S0266464X03000125]
| Artikel iki minangka artikel rintisan. Kowé bisa ngéwangi Wikipédia ngembangaké. |