Tuduhaké menu pokok
Anatomi bol lan silit

Bol utawa Rektum (Basa Latin: regere, "nglurusaké, ngatur") iku organ pungkasan saka usus gedhé ing sapérangan jinis kéwan nusoni kang pungkasané ing silit. Organ iki fungsiné dadi papan panyimpenan sauntara tai (sesuker). Ngembangé dhindhing bol amarga numpuké material ing njeron rektum bakal micu sistem sarap kang njalari pepénginan kanggo ngising (dhéfékasi). Yèn rasa ngising ora dumadi, kerepé material bakal dibalèkaké ning usus gedhé, lan ing kono bakal ana panyerepan banyu manèh. Yèn rasa ngising ora dumadi ing wayah suwé, bakal dumadi bebelen lan tai dadi atos.