Richard Thurnwald
Ricahrd Thurnwald (1869-1954) ya iku antropolog kang miwiti riwayat uripé minangka ahli hukum ing Wina. Thurnwald naté nyambut gawé minangka pegawé pangréhpraja ing Bosnia-Herzegovina.[1] Sabanjuré dhèwéké pindhah dadi pegawé Muséum für Völkerkunde ing Berlin ing taun 1906.[2] Awit iku miwiti sinau antropologi. Ing antara taun 1906-1909 dhèwèké lunga nganggo béaya muséum kanggo kerja lapangan ing kapuloan Bismarck lan Solomon (Mèlanésia). Lan laporan kerja lapangané iku ditulis ing bukuné kanthi sesirah Im Bismarckarchipel und den Salomo-inseln taun 1910.[1][2] Buku iku dadi karya antropologi wiwitané. Karya-karyané wis ana kurang luwih 350 karya. Isiné akéh gambaran-gambaran étnografi suku-suku bangsa ing jaba Éropa kaya déné Mèlanésia lan Afrika. Thrunwald ana bédha pamikiran ing tradisi étno-sosiologi Jerman sing ésih neliti bangsa-bangsa primitif. Dhéwéké nganggep antropologi iki luwih penting yén ngebahas masalah-masalah praktis kaya masalah-masalah masarakat ing kutha Berlin sawisé Perang Donya kaping II.[1]
| Richard Thurnwald | |
|---|---|
| Lair | 18 Sèptèmber 1869 Wina |
| Pati | Januari 19, 1954 (umur 84) Berlin |
| Bangsa | Ostenrik |
| Karièr ngèlmiah | |
| Babagan | Antropologi |
| Kaprabawan | Herbert Baldus, Wolfram Eberhard, Gerdt Kutscher, Wilhelm Mühlmann, Hilde Thurnwald, Karl Polanyi |