Robert Adler
Robert Adler ya iku penemu remot control.[1] Remot control ya iku piranti kanggo ngganti tayangan tivi saka channel 1 dadi chanenel liyané.[1] Dhèwèké lair ing Viena, Australia taun 1913.[1] Dhèwèké éntuk gelar doctor fisika saka University of Vienna nalika umur 24 taun.[1] Banjur dhèwèké ngalih ana ing Amérikah Sarékat, lan nyambut gawé ing pusat Zenith Electronics Corporation.[1] Nalika taun 1950, pusat riset Zenith Elektronics Corporation, panggonan Adler nyambut gawé, gawé remote control tivi kang wiwitan kang dijenengi lazi bones.[1] Fiture isih biyasa-biyasa, mung ana tombol on lan off.[1] Banjur nalika taun 1955, Zenith gawé sawijining remot tanpa kabel kang darani falasmatic.[1] Prinsip kerjane ya iku nggunakaké lampu kang diarahake marang sel penangkap cahya kang dideleh ana ing pojokan tipi.[1] Mung baé, sel mau uga bias nyekel cahya srengéngé mula tivi dadi ora bener.[1] Kanthi cerdas, dhèwèké mènèhi solusi kanggo parkara mau.[1] Adler yakin manawa komunikasi karo tivi nganggo swara bakal luwih apik tinimbang nggunakaké cahya.[1] Swara kang digunakaké ya iku swara frekuensi dhuwur kang ora bisa dirungokake manungsa ya iku swara ultrasonik. [1] Konsep remote gawéane Adler dhéwé luwih ringkes amarga ora nggunakaké tenaga batre.[2] Remot mau bisa digunakaké nalika logam aluminium di senggolake, banjur swarane dicekel déning tivi kanggo ngubah channel, swara, utawa power.[2] Remot iki bisa mudunake 30 % ongkos gawéne.[2] Adler tinggal donya ana ing Boise, Idaho, Amérikah Sarékat nalika tanggal 15 Pebruari 2007.[2]
