Roger Bastide
Roger Bastide ya iku ahli antropologi utawa antropolog saka Nîmes, Prancis kalairan 1 April 1898. Pandhidhikané Bastide ing pawiyatan luhur olèh ing Sorbonne, Paris taun 1924. Sabanjuré dhèwèké njupuk dhoktor sastra ing pawiyatan kang padha ing taun 1957[1]. Panalitèn lapangané naté dilakoni suwé ing Brazil awit taun 1938-1953. Karya tulisané kang diterbitké iku antarané African Civilisations in the New World (Les Amériques noires: Les civilisations africaines dans le Nouveau Monde) taun 1971, The Sociology of Mental Disorder (Sociologie des maladies mentales (1972), Applied Anthropology (Anthropologie appliquée, 1971), The African Religions of Brazil: Toward a Sociology of the Interpenetration of Civilizations (Les religions africaines du Brésil. Vers une sociologie des interpénétrations de civilisations, 1960)[1][2][3]. Sanajan akèh tulisané nganggo Basa Prancis, nanging wis dipertal ing basa Inggris. Bastide duwé dhasar èlmu sastra, nanging ing taun 1938, dhèwèké ngowah marang èlmu sosiologi lan antropologi. Nalika taun iku, Bastide dadi profesor (guru gedhé) sosiologi ing Universitas Sao Paulo, Brazil[1]. Bastide ngrumangsani yèn ing èlmu ètnologi jaman semono diajani karo ètnosentrismé Kulon (Western) lan Cartesianisme. Bastide dipindeng ing individu tinimbang golongan bebrayan, alesané bisa ndeleng konstruksi simbolik lan pangalaman agama. Bastide tilar donya taun 1974 ing Paris, Perancis[1].
Rujukan besut
- ↑ a b c d Amit, Vered (2004). Biographical Dictionary of Social and Cultural Anthropology. London: Routledge. kc. 50–51. ISBN 020364459X. OCLC 436848672.
- ↑ Gérald., Gaillard (2004). The Routledge Dictionary of Anthropologists. London: Routledge. kc. 174. ISBN 020349900X. OCLC 56606384.
- ↑ "Roger Bastide". Claude Ravelet. Dibukak ing 2017-11-18.