H. Rosihan Anwar (lair ing Kubang Nan Dua, Sirukam, Kabupatèn Solok, 10 Mèi 1922 – pati ing Jakarta, 14 April 2011 ing umur 88 taun) inggih punika tokoh pers Indonésia, sanajan panjenenganipun langkung trep dipunsebat minangka sajarawan, sastrawan, utawi budayawan.[1] Rosihan ingkang miwiti kariér jurnalistik wiwit yuswa 20-an, kacathet sampun nyerat 21 irah-irahan buku lan kamungkinan atusan artikel ing mèh sadaya koran lan kalawarti mliginipun ing Indonésia lan ing sawatawis panerbitan saking mancanegari.[1]

Rosihan Anwar
Lair(1922-05-10)10 Mèi 1922
Nèderlan Kubang Nan Dua, Sirukam, Kabupatèn Solok, Pasisir Kulon Sumatra, Hindhia Nèderlan
PatiApril 14, 2011(2011-04-14) (umur 88)
Indhonésia Jakarta, Indonésia
PakaryanPenulis, Wartawan, Jurnalis
BojoSiti Zuraida

Rosihan gesang ing wekdal 'multi-jaman'.[1] Nalika wekdal perjuangan, panjenenganipun naté dipunsekap déning panjajah Walanda ing Bukitduri, Jakarta Kidul.[1] Salajengipun ing wekdal Présidhèn Soekarno, koran kagunganipun Rosihan, 'Pedoman' ing taun 1961 dipuntutup déning rezim nalika samanten.[1] Nanging ing peralihan pamaréntah Ordhe Ènggal, Rosihan pikantuk bebingah minangka wartawan wiwit jaman sadèrèngipun Révolusi Indonésia lan pikantuk bebingah Bintang Mahaputra III, kaliyan tokoh pres Jakob Oetama.[1]

Rosihan ingkang ugi dados pangadhegipun Perusahaan Film Nasional (Perfini) kaliyan (alm) Usmar Ismail ing taun 1950 punika ugi naté main filem Tjut Nyak Dien (1988).[1] Rosihan Anwar sampun tilar donya nalika tanggal 14 April 2011.[2]

Cathetan suku besut

  1. a b c d e f g Rosihan Anwar dipunundhuh tanggal 22 September 2011)
  2. Rosihan Anwar, Wartawan Lima Zaman Archived 2011-08-21 at the Wayback Machine. dipunundhuh tanggal 22 September 2011)

Pranala njawi besut

Rosihan Anwar, Wartawan Lima Zaman Archived 2011-08-21 at the Wayback Machine.