Sasradiningrat IV
KRA Sasradiningrat IV ya iku pepatih Surakarta saka taun 1889 nganti 1916 M. Ramané ya iku KRA Sasranagara uga mengku kalungguhan pepatih. Sasradiningrat IV lair Akad Wage, 7 Rejeb taun Dal 1775, mangsa Sadha, wuku Landhep (20 Juni 1847 M) kanthi nama R.M. Saliman, peparab R.M. Jombo.
Wiwit umur 12 taun, RM Saliman wus manakawan ana ing Kasunananan. Kalenggahan kang diparingaké yaiku :
| No | Wiwit | Kalenggahan | Kaparingan asma |
|---|---|---|---|
| 1 | 1787 | Lurah abdi punakawan sekar kedhatonan | |
| 2 | taun Wawu 1793/1865M | dhaup Sekar Kedhaton | R.M.P. Wuryaningrat |
| 3 | Sênèn Wage, 2 Sapar taun Jimawal 1797 | Kaliwon Gladhag | R.M.Ng. Jayasudirja |
| 4 | Kêmis Wage,10 Rabingulakir taun Be 1800 | Kaliwon Ageng | R.M.Ng. Purwanagara |
| 5 | Kêmis Lêgi,4 Dulkangidah taun Ehe 1804/1875M | Bupati bumi gedhé | R.M.T. Purwanagara |
| 6 | Sênèn Wage, 20 Jumadilakir taun Je 1814/1885M | Bupati kaparak têngên | R.M.T. Purwadiningrat IV[1] |
| 7 | Sênèn Lêgi,29 Rabingulakir taun Alip 1819/
23 Dhesèmbêr 1889 |
Wakil pepatih | |
| 8 | Sênèn Lêgi, 9 Sura taun Ehe 1820/
25 Agustus 1890 |
Patih | K.R.A. Sosrodiningrat |
Lan wiwit Sênèn Wage,20 Jumadilakir taun Je 1846/24 April 1916 lèrèh lan dedalem ing Karanggeneng, Boyolali banjur disulihi putrane aran Adipati Jayanegara. Sasuwéné dadi pepatih, Sasradiningrat yasa srana kanggo kemajuwaning negara kaya ta Taman Sriwedari, Museum Radyapustaka, Rumah Sakit Pantiraga (Kadipala), Sekolah Mambaul Ulul, lan liya-liyane. Sasradiningrat IV uga katelah kanthi asma Kangjeng Ngendra.[2]
Sasradiningrat surut ing Akad Lêgi, 6 Bêsar taun Dal 1855 lan kasarèkaké ing Imagiri[3] mula kasebut Sasradiningrat sumare Ngimagiri.[2]
Rujukan besut
- ↑ Padmasusastra. Layang Bauwarna - 1898 (ing basa Jawa).
- ↑ a b Florida, Nancy K. (2000). Javanese literature in Surakarta manuscripts Volume 3, Manuscripts of the Radya Pustaka Museum and the Hardjonagaran Library. Ithaca, New York: Cornell University Press. ISBN 978-1-5017-2159-5. OCLC 1039917927.
- ↑ Wuryaningrat. Pengetan Lelampahandalem K. R. A. Sosrodiningrat IV - 1956 (ing basa Jawa).