Sekar Jatiningrum

Sekar Jatiningrum (Yogyakarta, lahir 1969) ya iku pelukis saka Yogyakarta, seniman tamatan ISI Yogjakarta. Sekar Jatiningrum seniman kang menjila (béda, nduwé laku sing ora umum), kerep omong-omongan karo lukisan sing lagi dikerjakaké. Kocapo, nalika ditawari gawé pamèran dhèwèké ora langsung njawab. Tapi dèwèk é ngomong, "Mengka dhisik, tak takon dhisik karo kuwi, gelem apa ora." Banjur, Sekar takon marang lukisané.

Gegambaran ana ndhuwur kuwi diceritakaké dening Suwarno Wisetrotomo, lan dicatet dening Seno Joko Suyono kang ditulis ana nang Majalah Tempo edisi April 2002. Seniman iki dikenal dadi seniman, sing seneng nggambar potrèt awaké déwé. Ugo, tokoh-tokoh sing ono lukisané kabéh nyritaké alter-ego babagan kahuripan sosial sing lagi dialami déwéké. Déwéké ngaku naté kaédanan karo "Olénka" tokoh karakter novel karya Budi Darma sastrawan asal Surabaya. Kaya-kaya tokoh Olénka iki sing dadi gambaran saka kahuripané si Sekar. Tokoh misterius sing seneng ana mung urip, nang pikiran-pikiran khayalané déwé. Pantes si Sekar kerep nganggep lukisan-lukisané kuwi urip. Miturut kuratorial Hendro Wiyanto nang Biennale Jogja VII "Countrybution", lukisan-lukisan Sekar iki isa mainké persepsi apresiator nang sawénéhé sing mémba-mémba réka daya, khayalan, lan kasunyatan.

Karya

Sekar seniman sing pertama nggelar paméran tunggal ana Galeri Kebun 2000. Karya sing ditampilno diwènèhi judul "(...)" (2001-03) lan setunggal buku judulé Menunggu Apa (2003). Karyané kuwi nganggo gorésan-gorésan potlot ireng lan warna, nang kertas nganggo latar-belakang kosong. Déwéké nggambar arék wedhok diwian lungguh rapi nang pojokkan. Bidang sing kosong iku sakjané gambar-gambar poster bioskop lan cah wédhok kuwi lagi nunggu film sing arep diputer.