Sekretariat Presiden Kamentrian Sekretariat Negara Indonesia

Sekretariat Présidhèn Kamentrian Sekretariat Nagara Indonesia utawi ingkang ugi dipunsebat Rumah Tangga Kapresidenan inggih punika salah saktunggaling lembaga ingkang wonten ing salebeting Kamentria Sekretariat Nagara Indonesia, ingkang gadhah tugas kanggé ngawontenaken paring panyengkuyung teknis lan administrasi pérangan rumah tangga, kaprotokolan, pers, lan médhia dhateng Présidhèn. Rumah Tangga Kapresidenan dipunpandhegani déning satunggaling Kepala Rumah Tangga Kapresidenan ingkang mapan wonten ing sak ngandhaping Kamentrian peraturan Sekretariat Nagara, lan gadhah tanggel jawab dhateng Mantri Sekretaris Nagara. Miturut Peraturan Présidhèn Nomer 80 Taun 2010, Rumah Tangga Kapresidenan gantos nomenklatur dados Sekretariat Présidhèn.

setneg

Fungsinipun

Rumah tanggah kapresidenan gadhah fungsi ing antawisipun inggih kados makaten:

1. Nyamektakakn lan nindakaken adicara ngengingi nega lan adicara- adicara sanèsipun ingkang dipunpandhegani utawi dipunrawuhi déning Présidhèn, lan adicara sanèsipun ingkang dipunrawuhi déning Présidhèn lan utawi garwnipun Présidhèn.
2. Nyamektakakakn saha nindakakaken adicara tindakanipun Présidhèn lan utawi garwanipun présidhèn saé punika ing lebet nagari utawi ing njaban nagari.
3. Nindakaken urusan kaprotokolan présidhèn lan garwanipun présidhèn
4. Nggordnasi kegiyatan pers lan médhia ing lingkungan rumah tangga kapresidenan
5. Ngelola pura- pura présidhèn saha museum lan sanggar seni
6. Ngawontenaken pelayanan bagen rumah tangga Présidhèn lan garwanipun présidhèn
7. Ngrencanakaken program lan anggaran saha ngemunah kauangan ing lingkungan rumah tangga kapresidenan
8. Ngelola anggaran mirunggan présidhèn
9. Nglayani bab administrasi umum ing lingkungan rumah tangga kapresidenan
10. paring wewarah- wewarah teknis ing babagan karumah tanggan dhateng para ajudan Présidhèn lan ajudanipun garwanipun présidhèn saha dhokter pribadi garwanipun présidhèn
11. koordinasi kaliyan tim dhokter kapresidenan kanggé paring layanan kasehatan présidhèn lan utawi garwanipun présidhèn.

Struktur Organisasi

Rumah tangga kapresidenan kapérang dados kalih, inggih punika:

1. Deputi Kepala Rumah Tangga Kapresidenan Babagan Admministrasi lan Pengelolaan Pura, ingkang gadhah tugas kanggembiyantu Kepala Rumah Tangga Kapresidenan kanggé ngawontenaken pelayanan ing rumah tangga présidhèn lan utawi garwanipun présidhèn, tamu nagara, lan ngemunah pura saha kegiyatan ingkang wigati sanèsipun ingkang kadadosan ing lingkungan rumah tangga kapresidenan. Déné struktur organisasi ingkang wonten ing sak ngandhapipun inggih punika wonten Biro Administrasi, Biro Umum, lan Biro Pengelolaan Pura ingkang ngurusi Pura Kapresidhenan Bogor, Pura Kapresidhenan Yogyakarta, Pura Kapresidhenan Cipanas,Pura Kapresidhenan Tampaksiring Bali.
2. Deputi Kepala Rumah Tangga Kepresidenan Babagan Protokol, Pers, lan Media, ingkang gadhah tugas kanggé mbiyantu Kepala Rumah Tangga kapresidenan kanggé ngawontenaken urusan kaprotokolan, pers, dokumentasi, médhia, lan informasi kegiyatan ingkang dipuntindakaken déning présidhèn lan utawi garwanipun présidhèn. Déné struktur organisasi ingkang wonten ing sak ngandhapipun inggih punika wonten Biro Protokol lan Biro pers, médhia, lan informasi.