Sentot Prawiradirja

Sentot Prawiradirja, uga kasuwur mawa jejuluk Ali Basah (1808-1855), iku salah siji sénapatiné Pangéran Dipanegara nalika perang 1825-1830. Jeneng dawané ya iku Sentot Abdul Mustapa Prawiradirja, putrané Radèn Rangga Prawiradirja III, bupati wedana ing Madiun saka garwa ampéyan.[1] Miturut urutan trah, Sentot kapétung buyut Sultan Hamengkubuwana I.[2]

Sentot Prawiradirja (J.P. de Veer) (1900)

Sajeroning Perang Jawa, Sentot kalebu sénapati kang paling pilih tandhing. Dhèwèké mèlu ing palagan saka wiwitan perang, nalika umur 17 taun. Sabanjuré Sentot kalebu salah siji kumendhan prajurit kang olèh jejuluk Ali Basah (saka istilah ing Kasultanan Osmani Ali Pasha). Ing pungkasan, Sentot teluk marang Walanda ing wulan Oktober 1829 sawisé gelem diajak rerundhingan ing Ngayogyakarta, banjur kabuwang menyang Bengkulu nganti tekan patiné.

RujukanBesut

  1. Carey, PBR.; Murtianto, Bambang; Karim, Mulyawan (2014). Takdir: Riwayat Pangeran Diponogoro 1785-1855. Jakarta: Gramedia. ISBN 9789797097998. OCLC 883389465.
  2. "Sentot Ali Basya, Panglima Perang Diponegoro yang Dijuluki Napoleon Jawa". SINDOnews.com (ing basa Indonesia). Dibukak ing 2018-02-06.