Serabi Ngampin

Serabi Ngampin ya iku panganan khas saka Désa Ngampin, Kutha Ambarawa. Panganan iki digawé saka glepung beras cempa dicampur santen.

Srabi Ngampin iki pancen béda karo srabi liyané. Yèn srabi liyané kaya ta srabi Natasuman, ora gawa kuah. Nanging yèn Srabi Ngampin iki, panyuguhane kanthi kuah seng wujudé santen. Sakleraman panganan iki kaya kolak. Srabi Ngampin iki uga warna-warna rasané. Sing rupané soklat rasané legi gula jawa, sing putih rasané gurih, lan sing ijo rasané pandan.

Srabi iki ana ing sapinggiran Désa Ngampin. Akèh banget sing dodolan. Biyèn-biyene srabi iki didol setaun pisan ngarepake wulan Syakban.

Uga delengen

• Srabi
• Ngampin, Ambarawa, Semarang