Serat Anglingdarma
Serat Anglingdarma iku salah sijining sastra kang nyritakaké Prabu Anglingdarma. Carita kawiwitan nalika Anglingdarma kang dadi raja ing Malawati iki nggarwa Dewi Setyawati, putri Bagawan Maniksutra saka Gunung Rasamala. Carita kapungkasi nalika Anglingdarma ambegawan.
G.W.J. Drewes naté nlusuri naskah-naskah Serat Anglingdarma lan nemu kurang luwih 26 teks Serat Anglingdarma. Ing Museum Sonobudoyo, Jogjakarta, ana uga Serat Anglingdarma kababar kanthi gambar kaya déné wayang beber. Saka naskah puluhan mau, Drewes nganggep ana 9 gagrag (vèrsi) Serat Anglingdarma.[1]
Ing taun 1981, pamaréntah naté mbabar Serat Anglingdarma kang wis dialih basa kanthi dhedhasar kolèksi ing Kraton Surakarta. Naskah iki padha karo kang kasinaoni déning Carl Frederik Winter, Sr. Gagrag Winter iki kaduga ditulis beberangan karo Yasadipura II.
Rujukan besut
- ↑ Katalog Induk naskah-naskah Nusantara Jilid 1, Museum Sonobudoyo, Yogyakarta, T.E. Behrend, 1990. Penerbit Djambatan, ISBN ISBN 979-428-151-4