Sintru Oh Sintru (novèl)

Sintru Oh Sintru ya iku novel basa Jawa sing ngemu surasa feminisme kang kenthel. Novel iki anggitané Suryadi W.S lan kababar dening CV. Sinar Wijaya taun 1993 ing kutha Surabaya. Karya sastra iki ngritik babagan wong lanang sing racaké dadi pamimpin kamangka wong wadon uga bisa dadi pamimpin. Ing sajroning novel iki uga diselipaké gambar kang bisa nggambaraké kahanan sing diceritakaké saéngga pamaca bisa mangertèni.

Sinopsis

Isi novèl kasebut nyeritakaké paraga utama sing jenengé Sintru. Sintru digamaraké minangka wong wadon lemu sing lagi mbobot. Sintru duwé bojo sing jenengé Candra. Candra minangka juragan sing duwé pabrik jamu. Sintru kepingin dadi pamimpin lan ngrumangsa akèh-akèh pamimpin iku wong lanang. Sajroning nglakoni omah-omah, solah bawané Sintru sansaya sakepènaké. Dhèwèké ngakon-ngakon buruh pabrik mandheg makarya jam 10 ésuk.