Sladanan
| Peperomia pellucida | |
|---|---|
| |
| Klasifikasi ngèlmiah | |
| Karajan: | Plantae |
| Unranked: | Angiosperms |
| Unranked: | Magnoliids |
| Ordho: | Piperales |
| Famili: | Piperaceae |
| Spésies: | P. pellucida |
| Jeneng binomial | |
| Peperomia pellucida L. | |
| Sinonim | |
|
Peperomia exigua | |
Sladanan (Peperomia Pellucida L. Kunth.)iku wit taunan kang oyode cendhek lan kalebu palakesimpar, lumrahé dhuwure antarané 15 nganti tekan 45 cm. Sladanan duweni gagang sukulen, kinclong, wujudé kaya ati, godhonge duweni daging lan cilik, dot kaya wiji nempel ing paku lan bisa ngasilaké woh. Yèn godhonge diremes mambune arep kaya sawi. kulawarga Piperaceae kapérang saka kira-kira selusin marga lan kira-kira 3000 spésies.[1] Jeneng liya saka sladanan ya iku ketumpangan ayer (Melayu), saladaan (Sunda), gofu goroho (Ternate).
Sladanan ngembang trus. Tuwuhan iki lumrahé tinemu ing tuwuhan ing panggonan kang adhem, habitate ames ing sakabehing Asia lan Amérika. Sladan thukul kanthi grombol lan thukule subur ing lemah kang ames, tropis, kanthi iklim subtropis.[2]
Sladanan rasané pedhes lan asipat adhem. Sladanan duweni kandhungan kimia alkaloid, tanin, kalsium oksalat, gajih, lan lenga atsiri. Sladanan duweni mupangat kanggo nambani rematik gout, mudhunake asem urat, nambani nyeri ing sendhi, lara amarga kathuthuk, lara weteng, lara ngelu, radhang kulit, bisul, lan abses. Suruhan uga bisa dienggo minangka antiradhang (antiinflamasi), lan ngilangi rasa lara (analgenik).
Cathetan sikil
besut- ↑ Wijayakusuma, Hembing. 2006. Resep Alami dari Pakar Herbal Atasi Asam Urat dan Rematik Ala Hembing. Jakarta: Puspa Swara. ISBN 979-4807-1
- ↑ de Fatima Arrigoni-Blank M , Dmitrieva EG , Franzotti EM , Antoniolli AR , Andrade MR , Marchioro M. Anti-inflammatory and analgesic activity of Peperomia pellucida (L.) HBK (Piperaceae). J Ethnopharmacol. 2004;91:215-218.