Tuduhaké menu pokok
Gegambarané Slender Man

Slender Man, uga kondhang ajejuluk Slenderman (cara Jawa: Manungsa Ceking), iku karakter adikodrati fiksi asal saka mémé Internèt kang dicipta taun 2009 déning Eric Knudsen (utawa "Victor Surge") minangka naraguna forum Something Awful. Slender Man iku makluk kang digambaraké duwé paawakan mèmper manungsa kang cekingé lan dhuwuré ora lumrah. Makluk iki rainé rata lan nganggo klambèn ireng.

Carita ngenani Slender Man adaté ngenani manungsa ceking rai rata klambèn ireng kang ngetuti, nyulika, utawa medèn-medèni wong-wong mligi bocah.[1] Carita Slender Man ora mung winates ing siji gancaran carita, nanging uga ana ing warna-warna karya fiksi jeroring.[2] Karya fiksi gegayutan Slender Man uga nyrambahi pirang-pirang médhia, kalebu sastra, seni lan vidhéo séri, kaya ta Marble Hornets. Sajabané fiksi jeroring, Slender Man mangaribawani budaya populèr, asring digayutaké karo kridha vidhéo Minecraft lan kridha vidhéo bab Slender Man dhéwé, kaya ta Slender: The Eight Pages lan Slender: The Arrival.

Kawit taun 2014, ana gègèr moral tumrap Slender Man jalaran ana kadadéan sutrésnaning fiksi Slender Man iki kena kasus laku wirota, mligi piala nyuduk kang amèh matèni bocah enom ing Waukesha, Wisconsin.

RujukanBesut

  1. Gail Arlene De Vos (2012). What Happens Next?. ABC-CLIO. k. 162. ISBN 9781598846348. 
  2. Romano, Aja (October 31, 2012). "The definitive guide to creepypasta—the Internet’s urban legends". The Daily Dot. Dijupuk 2013-04-22.