Stanislav Yevgrafovich Petrov

Stanislav Yevgrafovich Petrov (Ruslan: Станисла́в Евгра́фович Петро́в; 7 September 1939 – 19 Mei 2017) iku sawijining tokoh militèr Ruslan. Dhèwèké iku minangka lètnan kolonèl Angkatan Udara Uni Sovyèt dadi misuwur minangka wong sing nylametaké donya saka perang nuklir kanggo pamaragané nalika insidèn alarm palsu nuklir Uni Sovyèt ing taun 1983.

Stanislav Petrov

Ing tanggal 26 September 1983, namung telung minggu sawisé militèr Sovyèt némbak Boeing 747 darbèné Korean Air Lines, Petrov iku upsir sing tinugas ing punjer komando Oko sing ngurusi sistim pèngetan awal, nalika sistimé lapur ana sawijining rudal diluncuraké saka Amérikah Sarékat, lan sawisé iku disusul limang rudal liyané manèh. Petrov rumangsa menawa lapuran komputer iku ngawur alias alarm palsu.

Invèstigasi sawisé iku pancèn ndhedhes menawa sistim pèngetan satelit Sovyèt malafungsi.