Sudharso Pringgobroto

Sudharso Pringgobroto (lair ing Yogyakarta, 21 Juni 1921; umur 102 taun) ya iku seniman lan budayawan saka Indonésia. Jenengé dikenal liwat manéka jinis karya ing antawisipun tari, sendratari, bedaya kang ditujukaké kanggo masarakat kang seneng kabudayan Jawa. Sudharso minangka salah sawijining parintis pembangunan Museum Perjuangan Ngayogyakarta .[1][2]

Latar wuri besut

Sudharso Pringgobroto lair lan gedhé ing Yogyakarta. Wiwit cilik wis seneng karo seni, utamané tari Jawa. Dhèwèké turunan seniman saka bapaké kang dadi Asistèn Wedhana ing Tèmpèl, Sleman, R. Pringgopiyogo, wiwit taun 1972 lan dikenal dadi Penayub (tukang Nayub), kang duwéni tugas wigati ing pasugatan drama tari. Sudharso miwiti dadi pambeksa kanthi mèlu organisasi tari Jawa Kridha Beksa Wirama kang dipangarsani déning GBH Tedjokusumo. Saliyané kuwi, dhèwèké uga sinau mbeksa lan nggamel ing Dalem Purwonegaran, kang dilatih déning KRT Purwonegara. Dhèwèké uga sinau mbeksa karo guru-guru liya, kaya ta BPH. Suryodiningrat, KRT Soeryomurtjito, uga Suyadi Hadisuwanto. Sudharso njabat minangka Formatur Dewan Ahli nalika ngedegaké organisasi Irama Tjitra, banjur melu mulang sawisé organisasiné ngadeg. Sudharso Pringgobroto uga mulang mbeksa ing Pawiyatan Luhur Taman Siswa. Dhèwèké nyiptakaké manéka tari, bedaya, lan sendratari kang ditujukaké kanggo masarakat, lan nganti saiki isih asring dienggo ing sanggar-sanggar tari.[3][4]

Karya besut

Sudharso Pringgoboto nyiptakaké manéka karya, kaya ta:[5]

  • Tari Sari Mawar(putri)
  • Tari Serimpi
  • Tari Tayungan
  • Tari Enyer
  • Lakon wayang wong "Banjaransari"
  • Lakon Seni Drama Tari "Panji Jayalengkoro"
  • Tari Bedaya Dewa Ruci
  • Lakon wayang wong "Lutung Kasarung"
  • Tari Sari Sumbaga
  • Lakon Sendratari "Gandakusuma"
  • Sendratari Guru gantangan
  • Tari Bedaya "Revolusi 1945"
  • Sendra tari "Gading Pengukir"
  • Sendra tari "Bambang Pajarpana"
  • Tari Déwi Iriani
  • Sendra tari Brawijaya
  • Lakon sendra tari "Sinta Obong"
  • Tari Chattra Dewi
  • Tari Retno Palugon
  • Lakon Sendra tari Retno Palugon
  • Lakon sendra tari "Loro Jonggrang"
  • Tari Calon Arang
  • Lakon Langen Mandra Wanara "Hilangnya Shinta"
  • Tari Misaya Mina
  • Tari Krida Watangan
  • Tari Dhuet Radha
  • Tari Gelas
  • Drama tari Nagasasra lan Sabuk Inten "Menuntut Balas"

Rujukan besut

  1. Dinas Kesehatan Jawa Tengah, diakses 16 Maret 2015
  2. Academia.edu, diakses 16 Maret 2015
  3. Cilandak-Cibatu-Purwakarta, diakses 16 Maret 2015
  4. Open Library, diakses 16 Maret 2015
  5. Leirissa, R.Z. dkk (1994). ENSIKLOPEDI TOKOH KEBUDAYAAN. Jakarta: Proyek Inventarisasi dan Dokumentasi Sejarah Nasional. kc. 277–280.