Sugeng Wiyadi

Sugeng Wiyadi, lair ing Wonogiri, 8 Dhésèmber 1964, ya iku panulis basa Jawa. Kajaba nulis, piyambaké uga dhosèn ing Universitas Negeri Surabaya (UNESA) jurusan Pawiyatan Basa Daerah Fakultas Bahasa lan Seni wiwit taun 1994.

Piyambaké miwiti nulis cerkak, geguritan, carita anak, alaming lelembut, lan carita wayang. Tulisan kaping pisan kang lumebu ing Parikesit (1981) diwènèhi honor Rp. 1.500,00. Saiki bayarané kanggo siji cerkak ya iku Rp50.000,00.

Contoné carita kang piyambaké tulis ya iku Kejiret (cerkak, Parikesit, 1980), Wesel Budheg (cerkak, Kartika, 1985), Sasuwir Ati (cerkak, Panjebar Semangat, 1989), Nawangsari (roman sejarah, Jaya Baya, 1998), lan Geger Trijamaya (carita wayang, Jaya Baya, 1999). Karya liyané uga dibabaraké bareng panulis liyané, yaiku "Aku lan Sliramu" ing buku Drona Gugat (Bukan Panitia Parade Seni W.R. Supratman, 1995); Sawise Udan, Kacang Lanjaran, lan Terong Kopek, ing Layang Seka Bendul: Kumpulan Guritan (PPSJS, 2001); Kirim Salam Menyang Surabaya, Stambul Saka Puthuk, Sawesjining Desa ing Gunung Gamping ing buku Tes.

Ing karya-karyané, Sugeng Wiyadi kerep nganggo jeneng sesinglon kaya: Kelik SW, Dipo Pangestu, KRT Sarwito, Peni Kusumawati, lan Niken Haksaningrum.