Suku Batak Samosir
Batak Samosir iku péranganing bebrayan Batak.[1] Suku Batak Samosir iku manggon ing Kabupatèn Samosir lan ing Kabupatèn Toba Samosir kang saiki laladané kalebu Pulau Samosir lan saubengé.[1] Ing jaman Karajan Batak kang pusaté ing Bakara, Karajan Batak kang mimpin dinasti Sisingamangaraja mbagi Karajan Batak dadi papat laladan kang diarani Raja Maropat.[1] Laladan iki yaiku Raja Maropat Silindung, Raja Maropat Samosir,Raja Maropat Humbang, Raja Maropat Toba.[1]
Kabupatèn Samosir iku kabupatèn kang anyar saka Kabupatèn Toba Samosir.[1] Kabupatèn iki ngadeg manut karo UU RI Nomor 36 Taun 2003 nalika tanggal 18 Dhésèmber 2003 ngenani Pembentukan Kabupatèn Samosir lan Kabupatèn Serdang Bedagai.[1]
Samosir sajrone pambageyan distrik ing HKBP
besutHuria Kristen Batak Protèstan (HKBP) kapérang ing akèh distrik kang kabawah karo pendeta distrik (praeses).[2] Pambagéyan distrik iki wis ana wiwit taun 1911.[2] Nalika iku, Samosir wis dadi salah sijiné distrik ing HKBP kang dadi siji karo Toba, yaiku Distrik IV Toba Samosir.[2]
Sawisé ngrembakané Distrik IV Toba Samosir, Samosir uga dipisah saka Distrik IV Toba Samosir nalika tanggal 25 November 1945 lan dadi Distrik VII Samosir.[2] Distrik IV Toba Samosir iki ganti jeneng dadi Distrik IV Toba.[2]
Nganti sasi Dhésèmber 2008 iki, rekapitulasi ressort ing Distrik VII Samosir ana 22 gréja ressort lan 106 gedhong gréja HKBP.[2] Distrik VII Samosir iki duwé laladan ing Palipi, Nainggolan, Ambarita, Harianboho, Onan Runggu, Simanindo, Sianjurmulamula, Tomok, Lumban Suhisuhi, Ronggurnihuta, Pusuk Buhit, Pangururan, lan sakupenge.[2]
Cathetan suku
besut- ↑ a b c d e f forum.vivanews.com[pranala mati permanèn](dipunundhuh tanggal 27 Agustus 2011)
- ↑ a b c d e f g indonesia-life.info[pranala mati permanèn](dipundundhuh tanggal 27 Agustus 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |