Wong Dayak Meratus

suku wangsa ing Indhonésiya
(Kaelih saka Suku Dayak Meratus)

Suku Dayak Meratus utawi Dayak Banjar inggih punika kempalan saking sub-suku Dayak ingkang papan dunungipun wonten ing wewengkon pagunungan Meratus ing Kalimantan Selatan. Tiyang Banjar Kuala nyebut suku Dayak Meratus minangka Urang Biaju (Dayak Biaju), déné tiyang Banjar Hulu Sungai nyebut suku Dayak Meratus kanthi sebutan Urang Bukit (Dayak Bukit/Buguet). Selato nduga, suku Bukit kalebet ing golongan Suku Punan. Nanging Tjilik Riwut merang ing salebeting kelompok-kelompok alit kados Dayak Alai, Dayak Amandit (Loksado), Dayak Tapin (Harakit), Dayak Kayu Tangi, lan sanèsipun, lajeng piyanbakipun nggolongaken ing salebeting Rumpun Ngaju. Nanging panaliten pungkasan saking segi linguistik, basa ingkang dipun-ginakaken déning sub suku Dayak punika kagolong ing basa Melayik, dados satunggal rumpun kaliyan Dayak Kendayan lan Dayak Iban.[1]

Suku Dayak Meratus
Suku Dayak Meratus
Gunggung cacah jiwa
(kurang lebih 50.000 jiwa.)
Tlatah mawa cacah jiwa akèh
Kalimantan Selatan: 35.838 (2000).
Basa
Bukit, Melayu Banjar, Indonésia
Agama
Kaharingan
Golongan ètnik magepokan
Dayak Ngaju, Banjar

Adedhasar kaliyan papan dunungipun mau, sapunika langkung remen dipunsebut minangka Suku Dayak Meratus, tinimbang nama sadéréngipun Dayak Bukit ingkang sampun dipuntegesi minangka tiyang gunung. Déné miturut Hairus Salim saking tembung local ing wewengkon mau tembung bukit ateges pérangan andhap saking sawijining wit ingkang ugi ateges tiyang utawi sakelompok tiyang utawi rumpun kulawarga ingkang angka pisan utawi minangnka cikal bakal masarakat sanèsipun.[1]

Suku Buket, nama ingkang diangge déning BPS kanggé etnik punika wonten ing sensus penduduk taun 2000. Ing Kalimantan Selatan nalika sensus penduduk taun 2000 suku Buket cacahipun 35.838 jiwa,[2] sapérangan ageng dumunung ing kabupatèn Kota Baru kanthi cacah 14.508 jiwa. Suku Bukit ugi dipunsukani nama Ukit, Buket, Bukat utawi Bukut. Suku Bukit utawi suku Dayak Bukit dumunung ing kacamatan-kacamatan ingkang dumunung ing pagunungan Meratus ing kabupatèn Banjar, kabupatèn Balangan, Hulu Sungai Tengah, Hulu Sungai Selatan, kabupatèn Tapin, Tanah Laut, Tanah Bumbu, lan Kota Baru.

Suku-suku Dayak Meratus, antawisipun:

  • Dayak Pitap, ing désa Dayak Pitap lan sakanan kiringipun.
  • Dayak Alai, kapérang dados:
  • Dayak Labuhan
  • Dayak Atiran, Dayak Kiyu
  • Dayak Juhu
  • Dayak Hinas Kiri
  • Dayak Hantakan (Dayak Bukit), ing désa Haruyan Dayak.
  • Dayak Labuan Amas
  • Dayak Loksado (Dayak Amandit), ing kacamatan Loksado.
  • Dayak Harakit (Dayak Tapin), ing désa Harakit lan sakanan kiringipun.
  • Dayak Paramasan, ing kacamatan Paramasan.
  • Dayak Kayu Tangi (dumunung ing kawasan Riam Kanan sadèrèngipun dados waduk)
  • Dayak Bangkalaan, ing désa Bangkalan Dayak.
  • Dayak Sampanahan, ing kacamatan Sampanahan, Kotabaru.
  • Dayak Riam Adungan, ing désa Riam Adungan.
  • Dayak Bajuin, ing désa Bajuin.
  • lan sanès-sanèsipun[3]

Cathetan suku besut

Pranala njaba besut