Taman Nasional Segara Hallyeo Haesang
Taman Nasional Sagara Hallyeo Haesang (Hallyeohaesang Maritime National Park) inggih punika taman nasional ingkang ngambah kawasan Pulo Geoje, Pulo Hansan lan kepuloan wonten ing sakitaripun, ing provinsi Gyeongsang Selatan.[1] Dipunjuluki minangka salah satunggal saking 8 papan kanthi sesawangan paling éndah wonten ing Koréa, Hallyeo Haesang sampun dados objèk wisata populer. Hallyeo Haesang dipuntetepaken minangka taman nasional wonten ing taun 1968 lan dados taman nasional sagara ingkang angka sekawan wonten ing Koréa Kidul.[2]
| Taman Nasional Laut Hallyeo Haesang | |
|---|---|
 | |
| Jeneng Koréa | |
| Hangul | 한려해상국립공원 |
| Hanja | 閑麗海上國立公園 |
| Alihaksara Koréa Kang Sinampurna | Hallyeohaesang gungnip gongwon |
| McCune–Reischauer | Hanryǒhaesang kungnip kongwǒn |
Ekosistemipun kasusun saking ewunan pulo lan perairan ingkang anteng, mbentang sadawaning 120 km saking Geoje ing Gyeongsang Selatan dumugi Yeosu wonten ing Jeolla Selatan.[2] Wiyaripun wewengkon 545,63 km² kanthi 72% kasusun saking toya.[2] 69 pul ingkang boten wonten penghuninipun lan 30 ingkang sampun dipunhuni.[2]
Watu-watu sedimen Hallyeo Haesang ingkang asalipun saking pèriode Mesozoikum mbentuk rerangkèning gunung ingkang mbentang saking lèr dhateng kidul. Ing salebeting kacipta kathah tanjung, pulo alit lan ujung.[2]
Wonten ing Taman Nasional Hallyeo Haesang wonten 1.142 spésies taneman kanthi mayoritas kasusun saking cemara abrit, cemara cemeng, kamelia, oak serrata, oak cork lan spésies ingkang langka kados Sedirea japonica (nadopungnan), Cymbidium nipponicum (daehongnan) sarta winter hazel Koréa.[2] Spesies fauna kasusun saking 25 jinis mamalia, 115 jinis manuk, 16 jinis reptil, 1.566 jinis gegremet, lan 24 jinis ikan air tawar.[2] Spesies mamalia umum antawisipun berang-berang, luak lan kucing alasan talingan alit.[2]
Pulo-pulo besut
Pulo-pulo wonten gugusan Taman Nasional Hallyeo Haesang:
- Pulo Geoje (Geojedo) inggih punika pulo paling ageng angka 2 wonten ing Koréa.[3] Dumunung 26,5 km sisih wétan kutha Tongyeong, 150,9 km tenggara Busan. Dipungayutaken kanthi daratan Ujung Koréa kaliyan Kreteg Geoje wonten ing tanggal 8 April 1971. Pasisir wonten ing Geoje kasusun saking pasir pethak, krikil bunder lan watu-watu karang. Pérangan paling unik awujud watu-watu karang manéka wujud saèngga dipunjuluki minangka Haegeumgang utawi Gunung Geumgang ing sagara.
- Pulo Somaemul (Somaemuldo), dipunjuluki minangka pulo kanthi sesawangan paling éndah wonten gugusan Hallyeo Haesang.
- Pulo Saryang (Saryangdo), pulo ing tengah-tengah Hallyeo Haesang. Kasusun saking 2 pulo, Pulo Sang lan Pulo Ha ingkang kapisahekan selat sempit kanthi arus deres sadawan 1.500 mèter.
- Pulo Hansan (Hansando), minangka péranganing Tongyeong. Wonten ing periode Perang Pitung Taun inggih punika markas angkatan sagara ingkang dipunpimpin Laksamana Yi Sun-sin. Ing caket Pulo Hansan wonten pulo Bambu (Jukdo) ingkang dipuntanem déning Laksamana Yi kanggé damel panah.
- Pulo Bijin (Bijindo), dumunung 13 km sisih tenggara Kutha Tongyeong. Kasusun saking formasi watu-watuan lan pasisir ingkang dawanipun 1 km. Suhu rata-rata ing pulo punika sadanguning taun namung 25 °C saèngga dados papan tuwuuhipun flora, kembang kamelia, magnolia, melati lan cemara cemeng.
- Pulo Oe (Oedo), dumunung 15 menit lelampahan kanthi prau saking Geoje. Kasusun saking formasi watu-watu karang.
Cathetan suku besut
| Wikimedia Commons duwé médhia ngenani Hallyeohaesang National Park. |
- ↑ (ing basa Koréa)한려해상국립공원[pranala mati permanèn], essentour. Dipunundhuh:17-03-2013.
- ↑ a b c d e f g h Hallyeohaesang National Park Archived 2022-06-26 at the Wayback Machine., knps. Dipunundhuh:17-03-2013.
- ↑ Geoje Island Archived 2011-05-15 at the Wayback Machine., knps. Dipunundhuh:17-03-2013.