The City of Ember
The City of Ember ya iku sisirahl novèl fiksi ilmiah anggitané Jeanne DuPrau kang dibabar ing taun 2003. Kaya déné anggitane Suzanne Martel sesirah The City Under Ground kang dibabar taun 1963 utawa anggitané Helen Mary Hoover sesirah This Time of Darkness kang dibabar ing taun 1980, The City of Ember ngangkat carita babagan Kutha Ember, sawijiné kutha kang dumunung ing sangisoré lemah, kang alon-alon kentekan bahan panganan lan pepadhang. Nanging kaanan kuwi énggal dimangerteni déning sakperang bocah welasan taun sing nyoba nylametaké kanthi metu saka Kutha Ember tumuju ing bumi sajatiné.[1][2][3][4][5][6]
 | |
| Panganggit | Jeanne Duprau |
|---|---|
| Nagara | Amérikah Sarékat |
| Basa | Inggris |
| Gènre | Fiksi ilmiah |
Kala babar | Mèi 2003 |
| Jinis sarana | Samak kandel lan samak tipis, uga ana versi (DVD) |
| Kaca | 270 |
| ISBN | 0-375-82273-9 |
| OCLC | 50166630 |
| [Fic] 21 | |
| Peprincèn LC | PZ7.D927 Ci 2003 |
| Disusul | The People of Sparks |
Ringkesan
besutIng Kutha Ember anané mung wengi, tanpa ana wulan utawa lintang. Semana uga yèn awan, ora ana srengéngé utawa langit biru. Awan ya mung nalika listrik murup saka generator, lampu-lampu madhangi dalan lan omah-omah para warga kutha. Ora ana wong sing naté teka lunga saka Kutha iku. Kira-kira lawasé rong atus taun, para warga Ember kakurung ana ing pepeteng iku.
Kutha Ember sing dirancang lan dibangun kanggo jangka wektu rong atus taun, ora ana sijia warga sing mangerteni dina kuwi awan utawa bengi, anané mung jam utama kang dumunung ing tengah kutha, ing griyané wali kutha.
Para ilmuwan sengaja nggawa para pendhudhuk ing ngisor lemah jalaran lapisan udara dikebaki racun. Nalika kuwi para ilmuwan yasa generator lan nggawé prakiran kapan generator kuwi bakal mandheg. Para ilmuwan mau nggawé peta sing dilebokké ing sajerone pethi sing yèn wis 200 taun bisa mbuka dhéwé. Pethi mau diwenehaké marang wali kutha Ember turun temurun, lan saben taun angkané tansah mudhun.
Sawijining dina, ana boca nom-noman sing nyujanani anané kaanehan ing samubarang ing jero kutha kuwi. Bocah-bocah mau nggolèk sisik melik lan lumebu ing lurung-lurung kang sadurungé durung dimangerteni, lumebu griyané wali kutha.
Kanggo bisa metu saka Kutha Ember, jebul kudu ngliwati pipa, terus nyemplung kali ing kana. Ora nyana, bocah-bocah kuwi nemu pratandha kang katulis ing sawijiné peta. Jebul salawasé iki wali kutha wis tumindak khianat tumrap para warga Ember kanti ndelikaké samubarang bahan sing disimpen ing gudhang. Kanthi ora gampang, pungkasané bocah mau kasil metu saka Kutha Ember lan weruh donya sajatiné.
Diangkat ing film
besutSawijine filem adhaptasi kanthi carita kang njupuk saka novèl iki ,digawé lan disutradarani Walden Media lan Playtone. Sing maragani filem iki antaraneé Bill Murray minangka dadi wali kutha, Saoirse Ronan minangka dadi Lina, lan Harry Treadaway minangka dadi Doon. Filem ini rampung panggarapané ing wulan Oktober 2007 lan dibabar tanggal 10 Oktober 2008. City of Ember uga dibabar awujud DVD tanggal 20 Januari 2009.
Bebungah
besut- 2003 Child Magazine's Best Children's Book
- 2003 Kirkus Editor's Choice
- 2006 Mark Twain Award
- 2006 William Allen White Children's Book Award
- American Library Association Notable Book
Rujukan
besut- ↑ TCM Misc. notes for The City of Ember
- ↑ Michael Fleming (2004-10-31). "Playtone warms up to 'Ember'". Variety. Dibukak ing 2007-04-27.
- ↑ Jane Loughrey (2007-03-07). "Hanks' firm to shoot film in Belfast's Titanic Quarter". UTV. Diarsip saka sing asli ing 2007-05-25. Dibukak ing 2007-04-27.
- ↑ "Robbins' role in City of Ember". BBC. 2007-07-14. Dibukak ing 2013-11-12.
- ↑ Flaherty, Mike (Oct 13, 2008). "'Ember' glows in N.Y.". New York. New York: New York Media, LLC.
- ↑ Platt, Adam. "Vento Frustration". Dibukak ing January 21, 2013.