The House of Hades

buku taun 2013 anggitané Rick Riordan

The House of Hades ya iku novel fantasi kang ditulis déning Rick Riordan. Novel iki dibabar pisanan taun 8 Oktober 2013 ing Amerika déning Disney-Hyperion Books. The House of Hades minangka terusan saka novel The Mark of Athena ing seri novel Heroes of Olympus.[1]

The of Hades
PanganggitRick Riordan
Juru samakJohn Rocco
NagaraAmérika Sarékat
BasaInggris
SèriThe Heroes of Olympus
(book 4)
GènreNovèl
PangecapanDisney Hyperion
Kala babar
8 Oktober 2013
Jinis saranaCithak, buku audio, e-buku
Kaca597
ISBN978-1-4231-4672-8
OCLC946944987
Peprincèn LCPZ7.R48298 Hou 2013
DidhisikiThe Mark of Athena
DisusulThe Blood of Olympus

Rick Riordan dadi guru Sejarah lan Inggris sajroné limalas taun ing sekolah menengah umum lan swasta ing San Francisco Bay Area lan Texas. Ing taun 2002, dhèwèké dianugerahi Master Teacher Award déning sekolah Saint Mary’s Hall. Dhèwèké menang telung penghargaan nasional ing jinis misteri, yaiku Edgar, Anthony lan Shamus. Fiksi cekak uga wis diterbitaké ing Majalah Misteri Mary Higgins Clark lan Ratu Ellery. Rick Riordan saiki dadi panulis lepas lan manggon ing San Antonio karo garwané lan anak lanang loro.[2]

Nalika sapisanan, Rick Riordan nulis buku fantasi kanggo anaké. Seri kepisan Percy Jackson, The Lightning Thief minangka Buku Terkenal New York Times ing taun 2005. Karya liyané ya iku The Sea of Monsters, The Titan’s Curse, The Battle of the Labyrinth, The Last Olympians. Ana uga seri Kané Chronicles (The Red Pyramid, The Throné of Fire, The Serpent’s Shadow),  The Heroes of Olympus (The Lost Hero, The Son of Neptune, The Mark of Athena, The House of Hades, The Blood of Olympus), Magnus Chase and The Gods of Asgard (The Sword of Summer, The Hammer of Thor, dan The Ship of the Dead), dan The Trials of Apollo (The Hidden Oracle, The Dark Prophecy, dan tentu saja The Burning Maze). [2][3]

Tema besut

Apik nglawan Ala

Salah sawijining tema klasik saka novel iki ya iku apik nglawan piala. Ana gambaran sing nuduhaké Percy Jackson, Annabeth Chase, Jason Grace, Piper McLean, Hazel Levesque, Frank Zhang lan Leo Valdez sing berjuang njaga déwi Gaea supaya ora tangi. Menawa Gaea tangi, dhèwèké bakal ngrusak déwa-déwa Olympus. Dhèwèké bakal mréntah bumi bebarengan karo anak-anaké sing awujud monster raksasa. Pitung déwa enom kudu kerja bareng-bareng kanggo nyegah Gaea lan nyegah dhèwèké ngorbanaké rong déwa supaya bisa tangi.

Kekuwatan alané Gaea, sing kalebu nduwéni kelompok saka macem-macem monsters, Titans lan déwa ngisor, nyebabaké kekacauan ing saindenging jagad. Klompok monster uga nindakaké tidahé Gaea kanggo nyegah déwa-déwa enom ngampungaké misiné. Déwa-déwa enom mau kudu perang ing pirang-pirang pertempuran lan menang nglawan mungsuh sing luwih kuwat lan luwih mbebayani tinimbang dhèwèké.[4]

Aleran besut

Crita babagan House of Hades diwiwiti sawetara dina sawisé pungkasané Mark of Athena. Argo II, sing saiki mung kari Leo, Jason, Piper, Hazel (lan Coach Hedge), nyoba nyabrang jembatan gunung kanggo ninggalaké Itali kanthi aman, terus menyang Yunani. Dhèwèké ngadhepi dalan pungkasan, liwat gunung mokal amarga déwa-déwa gunung, numina montanum (utawa ourae) ngalangi. Dene liwat sagara uga ora dadi pilihan, amarga ilange Percy. Ing kene, Arion (jaran sing paling apik ing jagad iki) Nggoleki Hazel kanggo nggawa Hazel menyang siji panggonan sing bisa mènèhi jawaban menawa Hazel bisa mertahanké uripé.

Hazel banjur ketemu karo Hecate. Hecate Dewi sihir lan kabut. Dhèwèké nyatakaké minat marang Hazel, utamané kanthi nyatakaké bakat gaib Hazel kuwat banget. Nanging, sing luwih penting yaiku pilihan lan kemungkinan masa depan kang dituduhaké marang Hazel. Sisih kulon bakal nggawa dhèwèké bali menyang omah karo Athena Parthenos, bisa uga nyegah pertumpahan getih antarané Kem Jupiter lan Kem Setengah Darah. Sisih wetan minangka dalan angel ing ngarsané para déwa gunung, lan bisa wae ngrusak Argo II. Dhèwèké bisa uga tekan Epirus, Wisma Hades.

Masalahé sembarang dalan sing dipilih bakal mungkasi ing siji perkara sing mutlak ya iku Percy lan Annabeth bakal mati. Lan Hazel mesthi ora seneng karo babagan iki. Hecate banjur mènèhi siji rute liyané ya iku sisih lor. Ing saindenging Italia tekan titik paling adoh lan banjur nyabrang pesisir wetan tekan Yunani. Dalan kasebut adoh lan bengkong saéngga ora bisa diramalaké déning Gaea lan pasukané. Nanging, ana kahanan sing mutlak kanggo terus slamet ing dalan iki: Hazel kudu sinau ngontrol kabut nganggo elmu sihir. Yen Hazel gagal, tegesé pati lan gagal kanggo kabèh. Dalan iki kang dipilih Hazel amarga bisa ngrampungaké misi lan ora ninggalaké kanca-kancané.

Annabeth ngrasakaké yen dhèwèké lan Percy wis tiba suwé banget ing Tartarus. Annabeth lan Percy tiba ing kali. Nanging, kali iki dudu kali sing biasa. Salah siji saka limang kali sing mili ing sangisore Bumi, Cocytus. Nyoba ngindhari kabèh kasangsaran lan tangisan sing digawa déning kali, Annabeth narik Percy menyang pinggir kali. Nanging pinggiran kali kasebut ora awujud pasir nanging remukan cilik kaca ireng sing sebagian temancep ing tangané Annabeth.

Awaké Arachne ambruk ora adoh saka dhèwèké. Dhèwèké kesasar ing Tartarus, omah kanggo kabèh monster, tanpa sangu lan piranti sing wangun. Annabeth kelangan tas ransel sing kalebu laptop Daedalus lan lading tembaga langit. Tartarus nyedhot energi, Annabeth nyimpulaké yen siji-sijiné kasempatan yaiku golek kali geni, Phlegeton. Sawetara legenda nyatakaké kemampuané kali kasebut ya iku bisa nambani.

Tartarus sing bisa dideleng déning Annabeth lan Percy ya iku plataran kang mudhun sing bentuke kaya mangkok. kabèh kali mili menyang jero Tartarus; Lawang Pati. Sawisé ngulu geni sing ngobong gulu nanging mènèhi kekuwatan iku, Percy lan Annabeth yakin manawa siji-sijiné cara sing kasedhiya kanggo metu ya iku ngetutaké aliran Phlegeton, menyang sisih ngisor Tartarus.

Annabeth lan Percy ngadhepi macem-macem tantangan sing kayané ora bisa dikalahaké, lan pitulung sing ora dipikiraké. Mung pitulung saka Bob sing bisa ditampa supaya bisa urip terus lan maju terus. Ana uga pitulung saka raksasa sing nylametaké nyawané Percy. Nanging, raksasa utamané Polybotes uga ngoyak dhèwèké. Tantangan nyata yaiku piye carané supaya bisa tekan jantung Tartarus, minangka pusat monster.

Sawetara ing ndhuwur Tartarus kru Argo II kanthi cepet mbela kapal kasebut saka serangan para putrané Gaea, kura-kura gedhe, lan déwa sing sikile bosok.[5][6][7]

Paraga besut

  • Annabeth Chase, Putri demigod saka Athena, dewi Yunani sing wicaksana. Bebarengan karo pacare Percy, dhèwèké kepepet ing Tartarus sajroné novel kasebut
  • Frank Zhang, Putrané Mars, déwa perang Romawi
  • Hazel Levesque, Demigod putri Pluto, déwa Romawi wong mati
  • Jason Grace, Demigod putrané Jupiter
  • Leo Valdez, Putrané Hephaestus, déwa geni
  • Piper McLean, Putri Aphrodit
  • Percy Jackson, putrané Poseidon, sing uga dadi protagonis utama seri Percy Jackson & seri Olympians. Dhèwèké tiba ing Tartarus karo pacare Annabeth
  • Reyna Avila Ramírez-Arellano, Putri Demigod saka Bellona, ​​dewi perang Romawi, minangka prajané Camp Jupiter
  • Nico di Angelo, anaké Hades

Seri terusan besut

Terusan saka The House of Hades ya iku The Blood of Olympus kang diterbitaké ing tanggal 7 Oktober 2014 déning Disney Publishing Worldwide. The Blood of Olympus uga kalebu seri saka ‎The Heroes of Olympus.[8][9] Ceritané diwiwiti déning Jason minangka wong tuwa, bebarengan karo Piper lan Annabeth, nyamar kanggo nyusup ing Ithaca, istana lawas Odysseus, ing ngendi roh-roh jahat padha kumpul kanggo nyengkuyung Gaea. Dhèwèké nyamar minangka roh sing dikembangaké Gaea, amarga kemampuané Hazel kanggo nguasani kabut saiki wis apik banget. Tujuané ya iku kanggo njupuk informasi, amarga kabèh dalan kang diadhepi nduwéni pilihan sing angel, dadi dhèwèké bisa nemokaké dalan endi sing paling aman. Untungé informasi iki diwenehaké déning wong-wong mau nalika salah sawijining ghoul, Antinous, nganggep Jason minangka salah sawijining wong mati sing digawa bali Gaea, jenengé Iros. Saka chatter ghouls Jason éntuk informasi penting banget ya iku Porphyrion (Raja Raksasa) manggon ing Athens lan ing kono bakal mbangkitate Gaea, kabèh dalan sing kasedhiya wis ditutup, mung cara sing aman ya iku liwat Peloponnesse, lan babagan Delphi ora ana ing sangisoring panguwasané Apollo, tegesé kekuwatan ramalan wis ditutup.[10]

Rujukan besut

  1. "The House of Hades (The Heroes of Olympus, #4)". www.goodreads.com. Dibukak ing 2020-01-31.
  2. a b "Rick Riordan | Biography, Books, & Facts". Encyclopedia Britannica (ing basa Inggris). Dibukak ing 2020-01-31.
  3. "Rick Riordan" (ing basa Inggris Amérika Sarékat). Dibukak ing 2020-01-31.
  4. The House of Hades Summary (ing basa Inggris).
  5. "House Of Hades Summary". SuperSummary (ing basa Inggris Amérika Sarékat). Dibukak ing 2020-01-31.
  6. The House of Hades Summary (ing basa Inggris).
  7. Riordan, Rick. The house of Hades (édhisi ka-First edition). New York. ISBN 978-1-4231-4672-8. OCLC 843010355. {{cite book}}: |edition= has extra text (pitulung)
  8. Riordan, Rick. The blood of Olympus. Waterville, Maine. ISBN 978-0-14-133922-1. OCLC 889880880.
  9. "9780141339221: The Blood of Olympus (Heroes of Olympus) - AbeBooks - Rick Riordan: 0141339225". www.abebooks.com (ing basa Inggris). Dibukak ing 2020-01-31.
  10. "The Blood of Olympus – Rick Riordan" (ing basa Inggris Amérika Sarékat). Dibukak ing 2020-01-31.