The Son of Neptune

The Son of Neptune ya iku novel fantasi abasa Inggris kang ditulis dening Rick Riordan. Novel iki dibabar tanggal 4 Oktober 2011 dening Disney-Hyperion Books ing Amerika. [1] The Son of Neptune isih nyaritakaké babagan petualangané déwa-déwa, sing duwé latar mburi mitologi Yunani lan Romawi kuno. Ora kaya buku kepisan, sing mbahas Jason, Piper lan Leo, buku nomer loro iki bakal nyritakaké babagan petualangané Percy Jackson sing ora ana entèké. [2]

The Son of Neptune
PanganggitRick Riordan
Juru samakJohn Rocco
NagaraAmérika Sarékat
SèriThe Heroes of Olympus
(book 2)
GènreNovèl
PangecapanDisney-Hyperion Books
Kala babar
4 Oktober 2011
Jinis saranaCithak, buku audio, e-buku
Kaca513
ISBN978-1-4231-4059-7
OCLC719377188
DidhisikiThe Lost Hero
DisusulThe Mark of Athena

Novel iki dicritakaké saka perspektif wong katelu lan diwatesi. Percy, Hazel, lan Frank, saben tokoh dicritakaké ing pirang-pirang bab sing padha. Saben-saben narator ngrubah dadi karakter liyané supaya pamaca ngerti kabèh perkara sing dipikiraké, dirasakaké, lan ngerti pengalamané. Mupangat saka teknik iki ana loro ya iku ngidini ketegangan lan para pamaca bisa ngerti tujuan, motivasi, lan konflik sing diadepi saben karakter. [3]

TemaBesut

Kekancan

Tema utamané The Son of Neptune ya iku kekancan. Kekancan sing ndadekaké karakter supaya tumindak lan sing ndadekaké para paraga kasebut supaya bisa ngurbanaké kekarepané sing paling dhuwur. Ana ing telung karakter utama: Percy, Frank, lan Hazel ngganti karakterke kanthi dhukungan sing ditampa saka kanca-kancané lan kanthi dhukungan sing diwènèhaké marang kanca-kancané.

Kelemahané paling gedhé ing Percy yaiku tresna banget marang kanca-kancané. Dhèwèké ora bisa ngganggu kanca-kancané bakal dadi njiret awaké dhéwé. Nalika memoriné Percy wis ilang, dhèwèké isih didorong kanthi rumangsa manawa ana wong ing njaba kana sing tresna karo dhèwèké lan dhèwèké uga tresnani. Annebeth minangka salah siji sing bisa dieling-eling, nanging dhèwèké uga weruh Gordon lan Tyson ing impen. Percy cepet ngiket karo Frank lan Hazel lan percaya marang kalorone. [4]

AleranBesut

Carita The Son of Neptune dibukak kanthi Percy sing usaha kanggo mateni Gorgon, nanging Gorgon ora bisa dipatèni. Dhèwèké ora bisa ngeling-eling apa-apa, kajaba jenengé Annabeth. Wis pirang-pirang dina, Percy nyoba ngindhari rong Gorgon sing kepiyé ngerti babagan papané Percy, sing uga kepéngin matèni dhèwèké. Percy uga ora ngerti kepiyé carané bolpoiné dadi pedhang, kepiyé Gorgon bisa urip manéh sanajan wis dipateni ping pirang-pirang, lan babagan sapa sakjané Dewi Gaea sing ngirim loro Gorgon kasebut. kabèh sing dingerteni ing wektu iki ya iku mung kanggo ngadoh saka Gorgon.

Percy ndeleng trowongan sing meh padha karo bunker, dijaga karo bocah loro gaya Romawi sing anéh. Dumadakan, mbah putri sing nggegirisi nuduhaké yen trowongan kasebut lawang menyang 'kamp'. 'Kamp', tembung kasebut ora asring karo kupinge Percy sanajan dhèwèké ora yakin apa kamp kasebut. Mbah putri iku ngaku jenengé Juni lan njaluk gendhong Percy supaya nggawa dhèwèké ing kamp.

Percy ora gelem nggendhong mbah putri sing misterius iku, lan nalika nyedhaki gapura kamp dhèwèké wis slamet amarga panah saka para penjaga. Nalika pungkasané lolos menyang kamp, anané kali Tiberis mbiyantu dhèwèké anggone ngalahaké Gorgon, nggunakaké kekuwatan Neptune - pengontrol banyu - lan sukses entuk rong bokor getihe Gorgon. Ana carita menawa getih saka sisih tengené Gorgon minangka obat lan sisih kiwané minangka racun. Banjur, wanita tuwa kasebut mencorong lan ganti wujud, dadi Juno (Hera, ing basa Yunani).

Reyna Pencipta Legion XII (Pimpinan, uga Jason) ora seneng banget menawa Percy teka ing kamp Romawi amarga Percy rumangsa menawa Reyna ngerti dhèwèké sadurunge iki. Reyna langsung nggawa dhèwèké menyang Principia (aula utama) lan ngakon Percy supaya carita babagan prekara sing bar wae didelok mau sacara jangkep. Percy ngandhani Reyna babagan pengalaman sajrone telung dina kepungkur - Gorgon sing ora tiwas, wong wadon tuwa sing dadi Dewi lan pungkasané patemonané karo Hazel lan Frank (sing dadi juru kunci), lan ujar manawa dhèwèké ora bisa ngelingi apa-apa. Reyna ngerti menawa Percy dudu anggota legion, amarga ora ana tato SPQR ing lengené kaya dené anggota legion Roma liyané. Lan kanggo gabung karo legion kasebut, Percy kudu entuk persetujuan saka peramal.

Sawise entuk pitutur saka Reyna, Hazel ngajak Percy ngubengi kamp, lan nyritakaké babagan divisi Cohort I nganti V (Pasukan). Kamp Romawi ngluwihi pangarepané Percy, ora mung kamp kanggo legion, nanging uga kutha-kutha ing ngendi kabèh pendhudhuké padha awujud déwa-dewi. Ing kutha kasebut, kabèh warga aman lan tansah dilindhungi para legion.

Kalorone banjur ketemu karo Octavian, peramal ing kamp kasebut, tumurun saka Jupiter. Cara prédhiksi iku pancen anéh, kanthi mutilasi boneka lan njikuk isiné. Percy mikir menawa Octavian nduwéni awak sing tipis, ceking, nanging mripate kejem. Percy bisa gabung karo legion kasebut sanajan Octavian déwé ora seneng karo babagan kasebut. Adhiné Hazel, Nico, teka menyang kemah. Wong loro iku anak-anaké Pluto. Nalika ngenalaké Percy lan Nico, Hazel kelingan ana sing salah. Nico ngerti Percy, nanging ora gelem mènèhi luwih akéh informasi babagan wong enom kasebut. Nico lan Hazel ngobrol, nalika Frank ditugasaké kanggo methuk Percy menyang acara bengi iki. Ing tengah-tengah reuni sadulur-sadulure, Hazel semaput lan bali menyang umur enom dhèwèké, 17 Dhésèmber 1941. Hazel seda, lan bali menyang jagad iki. Dhèwèké umure 13 taun, wiwit 70 taun kepungkur.

Crita kasebut dadi pindhah sajrone uripe Hazel jaman biyen. Ibuné nggunakaké kekuwatané Hazel sing bisa ngetokaké barang-barang berharga saka njero bumi. Nanging, perhiasan sing dikasilaké Hazel diutuk, sapa wae sing ndumuk bakal dibebayani. Sajrone bocah Hazel ora bahagya, dhèwèké asring diolok-olok minangka bocah saka penyihir dening kanca-kancané. Wengi kasebut ora kaya biasané, ratu Maria (ibuné pengin diarani kaya ngono) pengin dhèwèké loro-lorone pindhah menyang Texas. Nico guncang awaké Hazel supaya tangi, lan kasil. Nico ngelingaké Hazel supaya ngontrol emosiné, supaya ora krenteg lan bali menyang mangsa kepungkur. Omong-omongané kepeksa kudu mandheg, saiki wis tekan wayah sore lan kabèh kudu padha kumpul ing lapangan.

Dénè Frank minangka déwa Asia, kanthi rai sing lucu nanging awaké nduwé otot. Nalika methuk Percy lan nggawa dhèwèké menyang patemon bengi iki, pikirané bubar nalika mbah putri ngungkapaké rahasia gedhe ing uripe. Uripe dhèwèké gumantung saka sepotong kayu. Yen kayu kasebut diobong, mula uripe Frank uga kaobong. Nanging Frank ora terus fokus ing kayu, saiki ana rapat sing kudu ditekani.

Ora ana anggota Legion liyané sing gelem njamin Percy ing kamp kasebut, amarga dhèwèké ora yakin saka ngendi tekané lan arep lunga ana ngendi. Hazel, banjur nyoba dadi penjamin kanggo Percy ing papan kasebut. Mesthiné, Percy kanthi otomatis mlebu menyang Cohort V melu penjamin kasebut. Sawise resmi diumumaké minangka anggota Cohort V, kabèh anggota legion wiwit latian perang. Lan biasané, Cohort V mesthi kalah. Nanging ing wayah wengi iku, Cohort V nggawe prabédan. [5][6][7][8]

ParagaBesut

  • Percy Jackson, putrané Poseidon (Neptuné), sing dadi protagonis utama ing seri Camp Half-Blood sing pisanan
  • Hazel Levesque, putri saka Pluto lan seduluré separo Nico
  • Frank Zhang, putrané Mars lan saka keturunan Poseidon ing sisih ibuné
  • Reyna Avila Ramirez-Arellano, putri Bellona, ​​dewi Romawi[9]

TerusanBesut

Terusan carita saka novel iki ya iku The Mark of Athena sing rilis tanggal 2 Oktober 2012,The House of Hades rilis tanggal 8 Oktober 2013, lan The Blood of Olympus sing dirilis tanggal 7 Oktober 2014. [10]

Telung seri terusan kasebut padha dénè nduwéni genre petualangan-fantasi sing bergaya mitologi kuno. Dénè The Mark of Athena diwiwiti langsung sawise pungsakan The Son of Neptune. Ing novel iki, Annabeth dadi tokoh sing ndominasi. Dhèwèké nggumun marang New Rome. [11]

RujukanBesut

  1. "The Son of Neptune (The Heroes of Olympus, #2)". www.goodreads.com. Dijupuk 2020-01-31. 
  2. "The Son of Neptune Summary | SuperSummary". www.supersummary.com. Dijupuk 2020-01-31. 
  3. The Son of Neptune Summary (ing basa Inggris). 
  4. The Son of Neptune Summary (ing basa Inggris). 
  5. "The Son of Neptune – Rick Riordan" (ing basa Inggris). Dijupuk 2020-01-31. 
  6. Riordan, Rick. (2011). The son of Neptune (ed. 1st ed). New York: Disney/Hyperion Books. ISBN 978-1-4231-4059-7. OCLC 719377188. 
  7. "The Son of Neptune (The Heroes of Olympus, #2)". www.goodreads.com. Dijupuk 2020-01-31. 
  8. "The Son of Neptune Summary". SuperSummary (ing basa Inggris). Dijupuk 2020-01-31. 
  9. "The Son of Neptune Summary". SuperSummary (ing basa Inggris). Dijupuk 2020-01-31. 
  10. "Rick Riordan" (ing basa Inggris). Dijupuk 2020-01-31. 
  11. "Rick Riordan" (ing basa Inggris). Dijupuk 2020-01-31.