Timbul Suhardi (lair ing Magelang, Jawa Tengah, 28 Dhésèmber 1942 – pati ing Jakarta, 26 Maret 2009 ing umur 66 taun.[1], iku salah sijiné pelawak sénior kang nggabung ing grup lawak Srimulat.[1] Saliyané nglawak ing Srimulat, Timbul Suhardi uga nglawak ing kasenian tradhisional kethoprak.[2] Saliyané iku, Timbul uga akting ing sinétron-sinétron.[2] Pelawak kang akrab diundang kanthi jeneng Timbul iki uga tau akting ing filem layar amba nasional.[2]

Timbul Suhardi
LairTimbul Suhardi
Jeneng liyaTimbul Srimulat
Taun aktif1979-2009
BojoSukarti
AnakKadar Sumarsono
Teguh Sunardi
Bingah
Ovi
Widi Haryati
Oki Nugroho Mulat
Wong tuwaDjumadi lan Suhardi

Timbul lair saka kulawarga seniman tradhisional.[2] Wong tuwané Timbul ya iku Djumadi lan Suhardi iku pamimpin kethoprak wayang wong “Margo Utomo”, kethoprak keliling tlatah.[2] Sawisé diwasa Timbul nutugaké pagawéyané wong tuwané.[2] Timbul nggabung ing salah sijiné grup kethoprak kanggo sinau lan ngangsu kawruh.[2] Timbul uga bisa main wayang wong lan dadi sutradara kethoprak.[2] Timbul nggabung ing Srimulat nalika taun 1986, amarga honor kang ditampa ora cukup kanggo nyukupi kabutuhan.[2] Nalika patengahan taun 1998, bareng karo mantan anggota grup pelawak Srimulat, Timbul nggawé Yayasan Paguyuban Kasenian Samiaji.[2] Yayasan iki duwé anggota kang cacahé 80 wong.[2] Salah siji asil karya saka yayasan iki ya iku Kethoprak Humor.[2]

Timbul palakrama karo Sukarti.[2] Saka bebrayané iki, Timbul nduwé anak kang cacahé enem ya iku Kadar Sumarsono, Teguh Sunardi, Bingah, Ovi, Widi Haryati, lan Oki Nugroho Mulat.[2]

Nalika tanggal 26 Maret 2009, Timbul séda amarga komplikasi lelara stroke, vertigo lan diabetes.[2] Timbul séda nalika umur 66 taun.[2]

Cathetan sikil besut

  1. a b srimulat.org Archived 2011-09-03 at the Wayback Machine.(diundhuh tanggal 9 September 2011)
  2. a b c d e f g h i j k l m n o p {{id}m.kapanlagi.com(diundhuh tanggal 9 September 2011)