Tombili
Tombili (papan lan tanggal lair ora diweruhi, mangkat tanggal 1 Agustus 2016 ing Istanbul) yaiku kucing dalanan. Dhèwèké dikenal amarga potoné dhèwèké kang lungguh lan sèndhèn ing trotoar.[1] Kutha Istanbul ngurmati Tombili sawisé sédané kanthi sawiji patung.
Kauripan
besutTombili (celukan umum ing Turki kanggo ingon-ingon kang lemu)[2] iku kucing dalanan kang urip ing Ziverbey ing Dhistrik Kadıköy, Istanbul. Kucing kasebut dadi populèr tumrap para warga ing lingkungané amarga gumrapyak lan nyèndhènaké awaké nglawan dalan lumakuné wong-wong. Jalaran pose poto iki, kucing kasebut misuwur ing saindenging jagad sajroning jejaring sosial lan dadi mémé internèt.[3] Ing Dhistrik Kadıköy, dhèwèké olèh akèh pandhèrèk. Ing taun 2016, Tombili lara nemen lan pungkasané séda nalika wiwitan sasi Agustus.[4]
Monumèn
besutSawisé sédané, sawijining petisi kanggo ngurmati marang dhèwèké pikantuk 17.000 tapak asma lan Mayor Kadıköy, Aykurt Nuhoğlu, sarujuk kanggo mèngeti uripé Tombili kanthi resmi. Juru tatah lokal, Seval Şahin, nggawé patung kang niru pose sing ndadékaké Tombili misuwur, lan patung kasebut diresmèkaké kanggo World Wildlife Day nalika 4 Oktober 2016.[5] Atusan wong teka kanggo mènèhi pakurmatan, lan wakil mayor Kadıköy, Başar Necipoğlu sesorah ing adicara kasebut kang disiaraké ing TV Turki.[6]
Dicolong lan dibalékaké
besutSawisé sesasi, patungé ilang. Poto kang didum ing médhia sosial nyebutaké patung kasebut ilang saka panggoné, amung kari plak kuningan patung kasebut.[7] Kuthamadya Kadıköy ngumumaké ing 8 Novèmber 2016 menawa patung kasebut dicolong,[8] nyebabaké sesambatan ing médhia sosial lan kaprihatinan ing Turki lan wewengkon liya. Anggota parlemèn Turki Tuncay Özkan ngetwit, "Dhèwèké padha nyolong patung Tombili. Dhèwèké iku mungsuh apa waé kang éndah. Kabèh kang dingertèni déning dhèwèké mung gething, kasedhahan lan perang." Nanging, ing tanggal 10 Novèmber 2016, patung kasebut dibalèkaké kanthi aman.[9]
Rujukan
besut- ↑ "NewsArts & LifeAugust 10 2016 15:15:00 Istanbul's phenomenal cat Tombili dies". Hurriyet Daily News. 2016-08-10.
- ↑ McKernan, Bethan (1 October 2016). "Tombili: Istanbul cat and internet meme honoured with statue". The Independent (ing basa Inggris Karajan Manunggal). Dibukak ing 1 May 2017.
- ↑ "Istanbul's Most Famous Cat Honored With Its Own Statue At Its Favorite Spot". Bored Panda. 6 October 2017. Dibukak ing 10 June 2020.
- ↑ Gutierrez, Lisa (October 6, 2016). "Lazy in life, lazing in death: Tombili the fat cat gets a statue" (ing basa Inggris Amérika Sarékat). The Miami Herald. Dibukak ing 1 May 2017.
- ↑ Paiella, Gabriella (October 10, 2016). "Gaze Upon the Visage of This Beautiful and Haunting Cat Statue". New York Magazine (ing basa Inggris Amérika Sarékat). New York Media, LLC. Dibukak ing 2 May 2017.
- ↑ "Sculpture of cat phenomenon 'Tombili' inaugurated in Istanbul". Hurriyet Daily News (ing basa Inggris Amérika Sarékat). Anadolu Agency. 4 October 2016. Dibukak ing 1 May 2017.
- ↑ "Sculpture of Istanbul's social media phenomenon cat Tombili stolen". Daily Sabah (ing basa Inggris). 8 November 2016. Dibukak ing 10 June 2020.
- ↑ "Sculpture of iconic Istanbul cat 'Tombili' stolen". Hurriyet Daily News (ing basa Inggris Amérika Sarékat). November 8, 2016. Dibukak ing 1 May 2017.
- ↑ "Stolen statue of beloved Istanbul cat returned". The BBC (ing basa Inggris Karajan Manunggal). November 10, 2016. Dibukak ing 1 May 2017.