Umlaut (linguistik)

Umlaut iku fénoména sajeroning kawruh basa utawa linguistik. Fénoména iki sajatiné sawijining owah-owahan uni lan kadadéan manawa sawijining swara uniné owah dadi luwih mèmper swara utawa ardaswara (sémivokal) ing wanda sabanjuré. Tembung umlaut iki mula bukané digawé sajeroning pasinaon basa Jermanik. Sajeroning basa-basa Jermanik, fénoména iki amba panyebarané lan mangaribawani kabèh basa kajaba basa Gotik. Tuladane wujud tunggal basa Jerman tamu iku der Gast, nanging wujud jamaké dadi die Gäste. Swara /a/ ing wanda kapisan dadi owah déné prabawa foném /ə/.