Uut Permatasari

Uut Permatasari (lair ing Sidoarjo, 7 April 1982; umur 41 taun) duwé jeneng asli Utami Suryaningsih.[1] Uut Permatasari ya iku penyanyi dangdut kang misuwur amarga goyang ngecor ya iku goyang kanthi ngangkat salah siji sikil karo muter kaya ta sikil kang sijiné nuncep ing lemah.[1]

Uut Permatasari

Karir besut

Uut iku anak wadon saka Ny. Supatiningsih.[1] Wiwit cilik Uut pancen seneng nyanyi lan kerep dadi juwara ing lomba-lomba kang dianakaké wiwit tingkat kacamatan nganti kabupatèn.[1] Ora mung latiyan nyanyi, Uut uga sregep latiyan balet lan jogèdan tradhisional, kaya ta Jogèd Yapong.[1] Mulane Uut duwé awak kang luwes nalika goyang karo nyanyi. Kanggo ngembangaké karire, Uut banjur pindah ing Jakarta nalika taun 2003.[1] Jeneng Uut dadi misuwur nalika dhèwèké nyanyekaké lagu "Putri Panggung".[1] Lagu iki dadi maskot acara Laris Manis kang disiyarake ing SCTV.[1] Saliyané dadi presenter Laris Manis, Uut uga dadi presenter acara Digoda ing Trans TV.[1] Uut ora mung manggung ing Indonésia nanging uga manggung ing nagari Jiran Malaysia, lan Hong Kong uga Koréa.[2]

Kasus besut

Taun 2007 dadi taun kang kontroversial kanggoné Uut.[1] Nalika iku dhèwèké diarani nyolong lagu kang judhulé "Ketahuan" duwéke grup band asal Bandung kang diarani Matta band.[1] Untungé sadurungé kasus iku, Ray kang nulis lagu, ngurus kanthi ukum ngenani bab hak cipta.[1] Pihak management Uut lan label company Uut rikat ngrampungaké hak minangka komponis utawa pengarang lagu.[1] Nanging kasus iki nggawe Maata rada ngamuk awit grup band iki tau diarani band dangdut kang ndompléng jenengé Uut kang misuwur luwih dhisik.[3]

Cathetan suku besut

  1. a b c d e f g h i j k l m Profil ing KapanLagi.com(dipunundhuh tanggal 10 Juli 2011)
  2. Uut Permatasari bakal 'Ngecor' ing Korea(dipunundhuh tanggal 10 Juli 2011)
  3. Matta Band Kesal Dibilang Dompleng Uut Permatasari[pranala mati permanèn](dipunundhuh tanggal 10 Juli 2011)