Victoria Wood
Victoria Wood CBE (19 Méi 1953 – 20 April 2016) ya iku juru kumidhi, juru paraga, juru nyanyi lan juru nulis lagu, juru nulis adegan layar, lan juru ngarah asal Inggris. Wood nulis lan maragani blabaran, sandiwara, filem, lan kumidhi swasana. Lakoné ing kumidhi urip asring kaselingan karya anggitané, ya iku sarana main piyano. Wood uga nganggit lan mainaké musik irah-irahan kanggo kumidhi swasanané ing BBC, Dinnerladies. Banyolané akèh-akèhé dhedhasar kaanan urip padinan, kalebu nyebut madya-madya Britania kondhang sarta mèrek-mèrek weton Britania. Dhèwèké katiti awit prigelé nitèni budaya lan nyindhir golongan-golongan masarakat.[1][2]
Wood miwiti karir taun 1974 mentas njuwarani gelaran calakan ing ATV, New Faces. Dhèwèké dadi bintang kumidhi kala taun 1980-an sarana sèri tèlèpisi Victoria Wood as Seen on TV kang menang bebungah lan minangka salah siji juru banyol ngadeg paling kondhang ing Britania.[1] Kala taun 1998, dhèwèké nulis lan mbintangi kumidhi swasana Dinnerladies kang banjur menang bebungah.[3] Kala taun 2006, dhèwèké menang rong bebungah BAFTA jalaran main sandiwara pisan ing ITV1, Housewife, 49.[1][2] Wood kerep makarya karo juru tembaya Julie Walters, Duncan Preston, lan Celia Imrie kanthi panjangkah suwé.[1]
Rujukan besut
- ↑ a b c d Brandwood, Neil (2002). Victoria Wood – The Biography (édhisi ka-1st). London: Boxtree. ISBN 1-85227-982-6.
- ↑ a b Duguid, Mark (July 2003). "Wood, Victoria (1953–2016)". British Film Institute. Dibukak ing 18 October 2007.
- ↑ The custard.tv guide to... dinnerladies at the Wayback Machine (archived April 10, 2008)