Wikipédia

Vladimír Šmicer

Vladimír Šmicer lair surya ping 24 Mèi 1973 ing kutha Děčín, Républik Céko yaiku salah sawijining pamain bal-balan internasional kang naté béla klub-klub kawentar Éropah kayata Slavia Praha, Lens, Liverpool FC, lan Bordeaux. Šmicer saiki umuré 47 taun lan duwé dedeg 178 cm kulina migunakaké sikil tengené nalika isih dadi pamain bal. Dhèwèké pamain kang mapan ana posisi glandhang tengah, glandhang kiwa, utawa panyerang kapindho. Kawit wulan Novèmber 2009 Šmicer wis mutusaké pénsiun saka jagat bal-balan.[1]

Vladimír Šmicer
Šmicer ing taun 2005
Katerangan priangga
Jeneng dawa Vladimír Šmicer
Tanggal lair (1973-05-24) 24 Mèi 1973 (umur 50)
Papan lair Děčín,  Républik Céko
Dhuwur 1.78 m (5 ft 10 in)
Posisi main Glandhang, Panyerang kapindho
Katerangan klub
Tim saiki
 Pénsiun
Karir nom
1985–1987 Kovostroj Děčín
1987–1992 Slavia Praha
Karir sénior*
Taun Tim Main (Gul)
1992–1996 Slavia Praha 81 (26)
1996–1999 Lens 91 (16)
1999–2005 Liverpool 184 (19)
2005–2007 Bordeaux 28 (3)
2007–2009 Slavia Praha 23 (5)
Gunggung 344 (60)
Tim nasional
1993 RCS 1 (0)
1994–2006 Républik Céko 80 (27)

* Gunggung main lan gul ing klub sénior tumrap liga dhomèstik iki mligi.


Profil besut

Jenengé kondhang nalika dhèwèké lumebu ing tim nasional Républik Céko ing final Éuro 1996 Inggris, selang sawenèh taun banjuré dituku déning Liverpool kanggo neguhaké tim wiwitan taun 2000.[2] Salah sawijining pamain kang diendelaké déning negarané, Šmicer wis kalebu dadi pamain suksès ing klub Prancis, Lens. Dhèwèké dadi pamain kunci nalika Lens menangi Ligue 1 Prancis mangsa 1997-98 kanthi nyathetaké 28 panampilan sarta nyitak pitung gol. Genah dadi priyangga kang becik kang naté diprangguli nanging nalika dadi pamain Liverpool dhèwèké malah asring cidra lan nemahi panampilan kang ora ajeg. Saka 184 tetandhingan kang dilakoni, dhèwèké main saka bangku cadhangan kaping 74 lan diganti déning pamain liyané metu lapangan kaping 83.[3]

Smícer lunga saka Liverpool menyang Bordeaux ing mangsa ketiga taun 2005 mung pirang minggu sawisé dadi pamain wigati ing final Liga Champions. Lumebu lapangan gantèni Harry Kewell, Smícer nyithak gol kapindho "si Abang" ing babak kapindho lan uga ngegolke ing babak adhu pinalti sadurungé Jerzy Dudek kasil nepis tendhangan Andriy Shevchenko kang dadi pengaji-aji kang manis kanggo dhèwèké kang bali main ing wulan Fèbruari 2005 sawisé ngentèkaké sapérangan gedhé mangsa 2004-05 ing meja operasi amarga cidra dhengkul.[4]

Bebungah besut

Akèh gelar kang wis direngkuh déning Šmicer nalika ing Lens, Liverpool, lan Slavia Praha. Utamané ing Liverpool dhèwèké diélingi minangka legendha klub kang labuh labeté bisa nggawa Liverpool antuk treble ing taun 2001 lan Liga Champions 2005 kang kawentar jalaran ngasoraké AC Milan ing babak final.[2] Gelar-gelar komplité ing antarané.

Slavia Praha besut

  • Liga Céko mangsa 1995-96.[5]
  • Liga Céko mangsa 2007-08.[5]
  • Liga Céko mangsa 2008-09.[5]

Lens besut

  • Ligue 1 Prancis 1997-98.[5]
  • Piyala Liga Prancis 1998-99.[5]

Liverpool besut

  • Piyala Uefa 2001.[5]
  • Piyala FA 2001.[5]
  • Piyala Liga Inggris 2001.[5]
  • Piyala Super Uefa 2001.[5]
  • Piyala Liga Inggris 2001.[5]
  • Liga Champions Éropah 2005.[5]

Bordeaux besut

  • Piyala Liga Prancis 2006-07.[5]

Jroning Angka besut

Panampilan klub Liga Piyala Piyala Liga Bawana Gunggung
Mangsa Klub Liga Panampilan Gol Panampilan Gol Panampilan Gol Panampilan Gol Panampilan Gol
Cékoslovakia Liga Piyala Piyala Liga Bawana Gunggung
1992–93 Slavia Prague Liga Utama 21 9 - - 0 0
Républik Céko Liga Piyala Céko Piyala Eropa Gunggung
1993–94 Slavia Praha Liga Gambrinus 18 6 - - 2 0
1994–95 16 3 0 - - 1 1 3
1995–96 28 9 4 2 - - 11 1 43 12
Prancis League Coupe de France Coupe de la Ligue Eropa Gunggung
1996–97 Lens Division 1 33 5 0 0 3 0 2 1 38 6
1997–98 28 7 5 3 4 0 6 1 43 11
1998–99 30 4 1 0 4 0 - - 35 4
Inggris Liga Piyala FA Piyala Liga Eropa Gunggung
1999–2000 Liverpool Liga Primèr Inggris 21 1 2 0 2 0 0 0 25 1
2000–01 27 2 5 1 6 4 11 0 49 7
2001–02 22 4 1 0 1 0 11 1 35 5
2002–03 21 0 1 0 5 0 6 1 33 1
2003–04 20 3 1 0 1 1 3 0 25 4
2004–05 10 0 0 0 0 0 6 1 16 1
Prancis Liga Coupe de France Coupe de la Ligue Eropa Gunggung
2005–06 Bordeaux Ligue 1 25 3 0 0 2 0 - - 27 3
2006–07 3 0 2 0 0 0 2 0 7 0
Républik C;eko Liga Piyala Céko Piyala Liga Eropa Gunggung
2007–08 Slavia Praha Liga Gambrinus 12 2 0 0 - - 5 0 17 2
2008–09 8 3 3 0 - - 4 0 15 3
2009–10 3 0 1 0 - - 1 0 5 0
Gunggung Cékoslovakia 21 9 0 0
Républik Céko 85 23 24 2
Prancis 119 19 8 3 13 0 10 2 150 24
Inggris 121 10 10 1 15 5 37 3 183 19
Gunggung karir 346 61 71 7

Rujukan besut

  1. ↑ Sofa Score, Admin (2009-11-06). "Pamain Vladimir Smicer (saka Basa Indonésia)". Sofascore. Dibukak ing 2021-01-18.
  2. ↑ a b Mountana, Coro (2020-05-14). "Vladmimir Smicer Wira Liverpool Atas AC Milan kang Asring Kelali (saka Basa Indonésia)". Indosport. Dibukak ing 2021-01-18.
  3. ↑ LFC History, Admin. "Profil Pamain Vladimír Šmicer (saka Basa Inggris)". LFC History. Dibukak ing 2021-01-18.
  4. ↑ Liverpool FC, Admin. "Sujarah Pamain Jaman Biyèn Vladimir Smicer (saka Basa Inggris)". Liverpool FC. Dibukak ing 2021-01-18.
  5. ↑ a b c d e f g h i j k l Transfermarkt, Admin (2009-11-11). "Gelar-gelar Vladimir Smicer (saka Basa Inggris)". Transfermarkt. Dibukak ing 2021-01-18.
Dijupuk saka "https://jv.wikipedia.org/w/index.php?title=Vladimír_Šmicer&oldid=1625212"