Vladimir G. Bogoraz-Tan

Vladimir Germanovich Bogoraz-Tan ya iku ahli antropologi saka Taganrog, Russia, kalahiran taun 1865[1]. Bogoraz njupuk pendhidhikan antropologi ing Universitas St. Petersburg taun 1880-1882[1][2][3]. Panlitian antropologis kang wis dilakoni dhèwèké ya iku ing Kolimsky Sibèri Wétan (1890-1898), Yakutia (1895), lan Chukotka Pasifik lor (1900). Bogoraz wis nulis karya-karya tulis antropologis lan ana kang wis diterbitké ya iku antarané jurnal ajudul The Chukchee. Parts I. II. III. Memoirs of the American Museum of Natural History, vol. XI, the Jesup North Pacific Expedition (1904) lan The Chukchee Mythology. Memoirs of the American Museum of Natural History, vol. XII. the Jesup North Pacific Expedition (1910)[1]. Sakjané Bogoraz ora duwé latar wuri kang khusus ing bab ètnografi utawa antropologi. Nanging kajian lan panlitiané ing bebrayan Siberia wétan iku dadi panlitian kang revolusionér. Bogoraz miwiti kariré minangka ahli folklor. Dhéwéké ngrekam tembang-tembang, légéndam, lan crita ing bebrayan lokal Ruslan[1]. Déning karajan Ruslan, Bogoraz diundang minangka étnograf ing wewengkon Yakutskaya kanggo fokus nliti wong asli Yakut. Sajroning telung taun, Bogorasz sinau basa lokal, benda-benda budhaya, subsistén, ékonomi, lan organisasi sosial. Ing taun 1899, dumasar sarané Russian Academy of Sciences, Franz Boas ngundang Bogoraz kanggo nliti bareng ing Pasifik lor[1][3].

Vladimir Bogoraz
Vladimir Bogoraz
Lair27 (O.S. 15) April 1865
Ovruch, Russia
Pati10 Mèi 1936(1936-05-10) (umur 71)
Kharkiv, Ukraina, USSR
BangsaRussia
Kondhang ingÈtnografi lan etnologi
Karièr ngèlmiah
BabaganAntropologi

Rujukan besut

  1. a b c d e Amit, Vered (2004). Biographical dictionary of social and cultural anthropology. London: Routledge. kc. 84. ISBN 020364459X. OCLC 436848672.
  2. "Vladimir Bogoraz". Wikipédia en Français. Dibukak ing 2017-12-05.
  3. a b "Bogoraz, Vladimir G.; Sternberg, Lev Y.; and Jochelson, Vladimir". Encyclopedia.com. Dibukak ing 2017-12-05.