Wakiyem
Wakiyem utawa luwih dikenal kanthi sebutan mbok Yem ya iku wong kang dadi padunung lan duwé salah siji warung kang ana ing sangisoré puncit Gunung Lawu. Jeneng lan warungé kawentar ing antarané para pecinta alam amarga wis puluhan taun nyedhiani pangan lan papan lèrèn kang sawayah-wayah bisa dijujug. Mbok Yem wis manggon ing kono saka taun 1980-an lan dianggep kayadéné legéndha urip ing Gunung Lawu. Warungé dumunung ing 3.150 meter saka sagara lan kena kanggo lèrèn sadurungé nerusaké laku menyang puncit Lawu ing 3.265 meter saka sagara. Warung mbok Yem disebut dadi warung sega pecel paling dhuwung sa-Indhonésia.[1][2]
Kanggo nyukupi barang kang didol ing warunge, mbok Yem dikirimi barang saka ngisor déné kebutuhan banyu bisa njupuk ing Sendhang Drajat kang ora adoh saka warungé. Menu khas kang sumadia ing warungé ya iku sega pecel lan lawuh endhog ceplok dadi klangenané wong kang tau mangan ing kono. Mbok Yem arang ninggalaké warunge lan mung mudhun nalika dina riyaya lan menawa ana seduluré kang duwé kajat.[3]
Rujukan
besut- ↑ Media, Kompas Cyber (2015-01-27). "Mengunjungi Warung di Atas Awan - Kompas.com". KOMPAS.com (ing basa Inggris). Dibukak ing 2018-08-07.
- ↑ Media, Kompas Cyber (2018-07-05). "Warung Mbok Yem, Warung Tertinggi di Indonesia yang Legendaris - Kompas.com". KOMPAS.com (ing basa Inggris). Dibukak ing 2018-08-07.
- ↑ "Pendakian Gunung Lawu - Mbok Yem, sang Legenda Hidup di Puncak, Hanya 3 Kali Turun dalam Setahun - TribunTravel.com". TribunTravel.com (ing basa Indonesia). 2016-08-28. Dibukak ing 2018-08-07.