Wikipédia:Artikel pethingan/2020 08

Potografi dijupuk saka Téléskop Njaba Akasa Hubble cedhak Bumi ing taun 2013.
Potografi dijupuk saka Téléskop Njaba Akasa Hubble cedhak Bumi ing taun 2013.

Proxima Centauri iku lintang katai abang kang manggon adohé 4,2 taun cahya (3,97×1013 km). Lintang iki ana ing rasi lintang Centaurus. Proxima Centauri tinemu nalika taun 1915 déning Robert Innes, Dirèktur Observatorium Union ing Afrika Kidul. Lintang iki wujud lintang paling cerak saka srengéngé, sanajan mbleret banget kanggo dideleng nganggo mata langsung. Leté menyang lintang paling cerak kaloro lan katelu (kang sistem lintang gandha Alpha Centauri) ya iku 0,237 ± 0,011 taun cahya (15.000 ± 700 ékan astronomi). Proxima Centauri kamungkinan wujud péranganing sistem lintang telu bebarengan karo Alpha Centauri A lan B. Amarga kacerakané, dhiamèter pojok lintang iki bisa diukur kanthi langsung, yaiku watara 1/7 saka srengéngé. Bobot isèn Proxima Centauri diprakirakaké watara 1/8 saka srengéngé, sauntara rata-rata bobot jinisé watara kaping 40é srengéngé. (Waca candhaké)