Wikipédia:Gambar pilihan/2015 06
| Guwa Terawang iku sawijining obyèk wisata alam ing kecamatan Todhanan, Kabupaten Blora sing dumadi saka endapan watu gamping (limestone), Pagunungan Kendheng Lor sing umuré udakara 10 yuta tahun. Dumunung ana ing Desa Kedhungwungu, Kecamatan Todanan, tlatah alas KPH Blora, kurang luwih 35 km sisih kuloné Kutha Blora. Guwa Terawang dawané kurang luwih 180 meter lan jeroné 5-11 meter ing ngisor lemah. Ing njeroné ana stalagmit lan stalagtit sing nyata éndah. Ing tlatah iki uga ana sawetara guwa liyané yakuwi Guwa Kidang, Guwa Suru, Guwa Manuk lan sapunanggalané. |
