Wikipédia:Mbalèkaké menyang revisi sadurungé

Artikel-artikel Wikipedia bisa disunting sapa waé, saéngga ora nutup kamungkinan suntingan-suntingan kasebut arupa suntingan-suntingan sing ngrusak, kaya ngrusak isi artikel, mbusak isi, nambah isi sing ngawur lan sapanunggalané (deleng Wikipédia:Vandalisme). Saben naraguna bisa mbantu ndandani isi artikel-artikel kasebut. Cara sing paling gampang yakuwi kanthi "mbalèkaké" artikel kasebut menyang revisi sadurungé sing dianggep relatif bisa ditampa (kanthi becik).

Ada loro cara mbalèkaké artikel tumrap:

• Panata
• Naraguna dudu panata

Panata

Ing kaca sumbangan naraguna, sawijining panata nduwèni tambahan pranala "balèkna" ing baris-baris naraguna kasebut minangka sing pungkasan ngayahi panyuntingan marang sawijining artikel. Pranala "balèkna" uga muncul ing kaca prabédan nalika ndeleng prabédan antara revisi pungkasan karo revisi sadurungé ing sawiji artikel.

Kanthi ngeklik "balèkna", artikel iku bakal dibalèkna menyang revisi pungkasan sing panyuntingé dudu naraguna sing nyunting revisi pungkasan kanthi nambahaké sacara otomatis ringkasan suntingan "Suntingan xxx dibalèkna menyang revisi pungkasan déning yyy", xxx minangka panyunting revisi pungkasan lan yyy minangka panyunting sadurungé disunting déning xxx.

Naraguna dudu pengurus

• Klik "sajarah kaca" ing sadhuwuring kaca, banjur klik ing jam lan tanggal revisi sadurungé sing bakal dianggo.
• Nalika kaca revisi kasebut muncul, bakal muncul kalimat kaya "(Revisi miturut 22:04, 25 Desember 2005)" ing ngisor judhul "Saka Wikipedia Basa Jawa, ensiklopedia bebas basa Jawa".
• Priksa apa panjenengan wis milih revisi sing bener, banjur klik "sunting". Wigati: jroning kasus vandal, priksa revisi sing panjenengan pilih minangka revisi pungkasan sadurungé aksi vandal kasebut. Aksi vandal manawa dumadi saka sawetara revisi.
• Panjenengan bakal mirsani pèringatan ing sadhuwuring kaca kaya "Panjenengan nyunting kaca revisi lawas. Yèn panjenengan nyimpen iki, kabèh owah-owahan sing digawé wiwit revisi iki bakal ilang".
• Aja lali nambahaké ringkesan kaya "Balèkna menyang suntingan pungkasan déning xxx" (sacara otomatis:"Mbatalaké revisi 1234567 déning xxx") yakuwi xxx minangka jeneng naraguna utawa alamat IP panyunting revisi kasebut. Simpen kaca kasebut.
• Klik manèh "sajarah kaca". Bakal muncul larikan anyar minangka asil suntingan panjenengan mau. Klik pungkasan ing larikan kasebut, panjenengan bisa mirsani prabédan dibandhingaké karo revisi sadurungé panjenengan mbuwang aksi vandal.