Wikipédia:Pratélan tembung kang kaprah salah ing pangéja

Pratélan tembung kang kaprah salah ing pangéja ing ngisor iki kanggo ndandani salah ing pangéja ing sakèhing kaca ing Wikipédia. Saben isèn-isèn (entri) ngemu tembung kang salah ing pangéja, sinartan pangéjané kang baku ing njeron tandha kurung. Kanthi mencèt tembung kang salah ing pangéja mau, panjenengan bakal kajujug marang papan panggolèkan Wikipédia lan otomatis nggolèki kaca-kaca mawa salah ing pangéja mau.

Kang perlu dadi kawigatèn ya iku ora kabèh kang katon salah ing pangéja kudu kadandani. Contoné, manawa tembung kang salah ing pangéja pranyata sesirahing sawijining lagu, panjenengan ora perlu ndandani tembung mau, ateges tembung mau cukup katulisaké kaya déné kang asli. Conto liyané, manawa sawijining tembung minangka kasiling alih-aksara utawa tembung saka basa manca, panjenengan uga ora perlu ndandani tembung-tembung mau. Mula, pratélan iki mung ngemu tembung-tembung kang salah ing pangéja waé.

Nalika panjenengan nambahi tembung kang salah ing pangéja ing pratélan iki, prayoga panjenengan uga nambahi variasi éjaané tembung mau. Contoné: bengi, wengi. Tembung-tembung kang katambahaké mau urutana manut urutaning alfabèt.

Panjenengan uga kudu sumerep yèn kala-kala ana variasi éjaan baku. Wikipédia iki nganggo cakrik basa resmi. Kabèh variasi éjaan baku kang saiki kanggo ing madyaning bebrayan (kalebu éjaan enggon-enggonan) katampa ing Wikipédia iki kajaba tembung-tembung cekakan lan krama madya amarga leloroné iku, sanadyan éjaané baku, dudu péranganing basa resmi.

Pratélan

A | B | C | D | E | F | G | H | I | J | K | L | M | N | Ng | Ny | O | P | R | S | T | U | V | W | Y | Z

format:

• pangéja salah (bisa kapencèt saperlu nggolèki kaca); pangéja bener