Wikipedia:Balèkaké sedina ping telu

Balèkaké sedina ping telu (three-revert rule) sacara ringkes yakuwi kawicaksanan yèn ora olèh mbalèkaké sawijining kaca, sacara utuh utawa sabagéan, luwih saka kaping telu sajroning patlikur (24) jam. Pelanggar kawicaksanan iki bisa dikenakaké pamblokiran déning pangurus.

Mbalèkaké, jroning konteks iki, yakuwi mbatalaké suntingan panganggo liya, sacara utuh utawa mung sabagéan. Gunakaké akal sehat, aja nyiptakaké perang suntingan. Diskusèkaké masalah kang ana karo pengango liyané. Yèn pasulayan kuwi ora bisa dirampungaké kanthi dhiskusi, sawijining kaca bakal diproteksi saka penyuntingan nganti ditemokaké solusi.

Tujuwan kawicaksanan iki kanggo nyegah utawa ngendhegaké perang suntingan. Saben kaca ing Wikipedia kuwi minangka upaya kolaborasi bebarengan kang kudu diwangun kanthi niat apik lan etika saka saben kontributor. Pangurus bisa ngenakaké pamblokiran marang penganggo kang nglanggar kawicaksanan iki minangka upaya preventif lan dudu ukuman.