Tuduhaké menu pokok

Wikipedia:Wulan Asia Wikipédia

Wulan Asia Wikipédia
Wikipedia Asian Month Logo v2.svg

Wulan Asia Wikipédia iku kagiyatan besutandhing (edit-a-thon) taunan kang ancas ngundhakaké sesurupan antarané paguyuban-paguyuban Asia ing Wikipédia. Lumaku sasuwéné sasi Nopèmber 2018, kagiyatan Wulan Asia ing Wikipédia Jawa nedya ngundhakaké cacah lan mutu artikel kang gegayutan nagara-nagara ing Asia. Ing taun kapungkur, éwon artikel kasumbangaké sarana puluhan basa ing dalem Wulan Asia Wikipédia.

Minangka tandhaning tetepungan antarané paguyuban-paguyuban Asia ing Wikipédia, saben wong kang mèlu manawa kasil nggawé artikel kang minangkani paugeran lan saorané cacah papat (4) bakal nampa kertu pos Wikipédia rancangan mirunggan saka nagara-nagara njaban rangkah kang mèlu kagiyatan iki.

Para Wikipédia kang nggawé artikel akèh dhéwé ing saben Wikipédia bakal kanugrahan jejuluk "Duta Asia Wikipédia". Mirunggan ing Wikipédia Jawa, sapa kang gawé artikel akèh dhéwé uga bakal olèh bebungah romah Wong Njaba.

Asia (orthographic projection).svg

Paugeran

Ringkesé mangkéné: gawéa artikel anyar bab Asia (wong, panggon, budaya, lsp.) kang ngemu saorangé 300 tembung utawa 3.000 bèt (byte), sinartan sumberé, ing dalem sasi Nopèmber 2018 iki. Artikel wujud pratélan ora kaétung.

  • Artikel kudu gawéan anyar panjenengan (dudu saka ngembangaké artikel rintisan) kang panggawéné antarané tanggal 1 Nopèmber 2018 0:00 lan 30 Nopèmber 2018 23:59 (UTC).
  • Artikel ngemu saorané 300 tembung utawa 3.000 bèt.
  • Artikel kudu minangkani paugeran kalayakan artikel.
  • Artikel ngrembug bab sajabané Indonésia, contoné bab Jepang, Koréa, Indhiya, utawa nagara Asia liyané.
  • Artikel ngemu réferènsi kang patut; ukara kang kurang mitayani utawa isih dadi perdondi ing jeroné artikel kudu bisa kacihna lumantar sitiran kang kapacak ing jeroné artikel iku.
  • Artikel kena wujud pertalan saka Wikipédia liya.
  • Artikel ora kena wujud pertalan mesin wutuh, nanging kudu kabesut dhisik.
  • Artikel ora kena prakara (kena tengeran déning admin).
  • Artikel ngemu tulisan kang informatif.
  • Artikel bisa ngrembug samubarang bab kang gegayutan Asia.
  • Artikel kang dikumpul panitya kudu dipriksa panitya liya.
  • Cathetan: Panitya bakal nemtokaké yèn sawiji artikel tinampa utawa ora tinampa.
  • Nalika panjenengan kasil nggawé artikel kang minangkani paugeran cacah 4, panjenengan bakal nampa kertu pos WAW saka salah siji paguyuban Wikipédia ing Asia.
  • Duta Asia Wikipédia bakal nampa partisara (sèrtifikat) tinandhatanganan afiliyasi-afiliyasi Asia uga kertu pos siji tambahan. Wacaa kaca Pitakon saperlu ngertèni informasi luwih akèh.

Panitya

Dhaftar

Dhaftarana lumantar pranala iki. Panjenengan kena ndhaftar kapan waé. Panitya bakal mriksa manawa artikel wis minangkani paugeran apa durung.

Pangumpulan artikel

Péngin ngirim artikel kanggo Wulan Asia Wikipédia? Kumpulaké artikelé panjenengan lumantar piranti Fountain.

Manawa panjenengan kangélan utawa ngalami masalah nalika nganggo Fountain, kandhakaké masalahé ing kéné. Manawa isih ngalami masalah, panjenengan bisa ngumpulaké artikelé ing kéné.