Wisata Kalisuci

Wisata Kalisuci menika wonten ing dhusun Jetis Wetan RT 01 RW 01, Pacarejo, Semanu, Gunungkidul, Yogyakarta. Kirang langkung 12 km saking kutha Wonosari, utawi 60 km saking Jogja. Katitik saking namanipun, Kali menika ateges sungai lan suci menika bersih utawi resik. Saengga nama menika kagungan teges kali ingkang resik. Teges menika leres kaliyan kasunyatan amargi toya ing Kalisuci menika bening sanged saéngga kathah dipun-agem déning masyarakat kanggé nyekapi kabetahan padintenan. Ilining toya saking Kalisuci menika mandheg ing Panté Baron. ^[1]

Mula Buka Wisata Kalisuci

Sejatosipun, wisata alam menika sampun naté kagarap nalika warsa 1993 utawi nalika jamanipun Presiden Soeharto, ananging amargi kirang kawigatosan saking pamaréntah, proyek lajeng mangkrak, Lan wiwit kagarap malih ing warsa 2009. Mula bukanipun proyèk enggal Wisata Kalisuci menika boten saged uwal saking urun rembagipun Pak Cahyo, ingkang ugi mangarsani Gua Jomblang Semanu, kaliyan Pak Win lan kanca sanèsipun. Gagasan menika awit saking kathahipun potènsi alam wonten ing Pacarejo, mila lajeng pun rembakaken. ^[2]

Wisata Alam Dunia

Kalisuci menika wonten ing dhaerah Karst Gunungsewu ingkang dilindungi mawi Undang - Undang. Ing warsa 1993, International Union Speleology ( IUS ) maringi pamrayogi amrih Kalisuci menika dados salah satunggaling warisan alam ing tingkat dunia. Pamrayogi menika katanggapi déning Bapak Presidhen Susilo Bambang Yodhoyono kanthi netepaken dhaerah menika minangka Kawasan Ekokarts.

Indonesia menika mesthi kémawon mongkog kaliyan Wisata Kalisuci ing Semanu menika, amargi wisata ingkang kagungan ijin minangka wisata cavetubing namung wonten tigang dhaerah ing donya. Inggih menika wisata ingkang mapan ing negara Mexico, Selandia Baru, lan Indonesia mawi Wisata Kalisuci.^[3]

Kondisi Geografis

Wisata alam ingkang kagungan nama jangkep Kalisuci Cave Tubing menika mapan ing Gunungkidul ingkang sampun kawentar kaliyan topografi lemahipun ingkang berbukit - bukit. Ananging sanajan berbukit - bukit,topografi kados mekaten justru ngandhut kekayaan alam ingkang kathah. Gunung, Sabin, lan laut menika sedayanipun wonten ing Gunungkidul.

Kalisuci menika saèstunipun awujud luweng. Miturut ngelmu geomorfologi, Luweng inggih menika Luweng itu gua vertical ing dhaerah karst. Karst menika bukit saking watu gamping ingkang sampun ajur amargi wekdal saha kahanan cuaca utawi iklim. Mliginipun ing Indonesia ingkang kagungan iklim tropis saéngga kagungan bentèr lan jawah ingkang kathah ananging béda usum. Semanu menika kalebet ing dhaerah Karst Gunung Sewu ( Bukit Karst Pegunungan Seribu ) ingkang kaétang saking Kabupaten Gunungkidul ing Ngayogyakarta, Kabupaten Wonogiri ing Jawa Tengah, lan Pacitan ing Jawa Timur.

Wisata

Ing wisata Cavetubing Kalisuci Semanu, wisatawan saged ngambah goa kanthi langit - langit ingkang inggil lan kali ingkang radi jero kirang langkung 2 - 3 meter. Ananging sadèrèngipun, wisatawan kedah mlampah saking pos petugas dumugi korining goa kirang langkung sedasa menit mawi margi ingkang awrat menapa malih kangge wisatawan énggal. Ananging boten susah kuwatos, amargi ing ngajeng wisatawan badhe pun sukani pengaman lan pandhuan saking petugas. Kaéndahan Kalisuci menika saged pun-antebi kirang langkung 500 meter utawi mbetahaken wekdal kalih tabuh kanggé mungkasi bodyrafting ing mriki. Swasana ing goa menika tasih peteng amargi boten wonten pepadhang. Bab menika kagungan ancas kanggé njagi ékosistem alami ing goa kadosta kéwan mamalia lan lawa ingkang pancèn kathah ing mrika. Ananging senajan mekaten, wisatawan tetep saged ningali kaéndahaning goa mawi stalagtit lan stalagmitipun lan punjangkepi mawi swanten ilining toya ingkang nentremaken. Salajengipun, aliran toya menika badhe tumuju ing Luweng Senglat, Luweng Geleng, lan Goa Mburi Omah.Ananging, ing usum rendheng menika Kalisuci Cave Tubing boten saben dinten bikak kangge wisata amargi ugi kedah ngenut ilining toya. Bilih jawahipun rentes, mila wisata katutup sekedhap ngantos kahanan sae malih.

Fasilitas

Ing pos penjaga, wisatawan badhe pikantuk :

helem
lampu sirah
pelampung
pengaman dhengkul
tali
prau karet

sedaya peralatan menika kanggé njagi kawilujenganipun wisatawan nalika wisata ing mriki. Sanesipun fasilitas ingkang sampun sumadya, ugi wonten warung - warung sedherehana kagunganipun masyarakat sekitar ingkang sadean dhaharan kados bakso lan mie ayam. Bilih wisatawan badhe nyipeng, ugi wonten panyipengan utawi homestay ingkang mirah ing sakitaran Kalisuci.^[4]

Béa

Kanggé pakèt wisata kalawau wisatawan cekap maringi béa Rp. 80.000 kanthi rincian :

Savety Standar Equipment (Jaket Pelampung, Helm, Deker, Ban)
Retribusi
Pajak
Jasa Pemandu
Kamar mandi
Minum dan snack
Akomodasi (dari tempat finish ke sekretariat^[5]

Rujukan

↑ Tour, Antareja (2019-07-30). "Kalisuci, Spot Cave Tubing Mempesona di Jogja". Antareja Tour Jogja (ing basa Indonesia). Dibukak ing 2019-10-26.
↑ Kompasiana.com. "Cavetubing Pertama di Indonesia (Kali Suci)". KOMPASIANA (ing basa Indonesia). Dibukak ing 2019-10-26.
↑ "Goa Kalisuci, Sensasi Cave Tubing Goa Cantik di Jogja". Tempat.me. Dibukak ing 2019-11-06.
↑ "Goa Kalisuci, Sensasi Cave Tubing Goa Cantik di Jogja". Tempat.me. Dibukak ing 2019-11-06.
↑ "Kalisuci". kalisuci.com (ing basa Inggris Amérika Sarékat). Diarsip saka sing asli ing 2019-11-06. Dibukak ing 2019-11-06.

[1] Tour, Antareja (2019-07-30). "Kalisuci, Spot Cave Tubing Mempesona di Jogja". Antareja Tour Jogja (ing basa Indonesia). Dibukak ing 2019-10-26.

[2] Kompasiana.com. "Cavetubing Pertama di Indonesia (Kali Suci)". KOMPASIANA (ing basa Indonesia). Dibukak ing 2019-10-26.

[3] "Goa Kalisuci, Sensasi Cave Tubing Goa Cantik di Jogja". Tempat.me. Dibukak ing 2019-11-06.

[4] "Goa Kalisuci, Sensasi Cave Tubing Goa Cantik di Jogja". Tempat.me. Dibukak ing 2019-11-06.

[5] "Kalisuci". kalisuci.com (ing basa Inggris Amérika Sarékat). Diarsip saka sing asli ing 2019-11-06. Dibukak ing 2019-11-06.

[1]

[2]

[3]

[4]

[5]