Tiyang Indo
Tiyang Indo utawi kaum Indo (singedan saking nama ing basa Walanda, Indo-Europeaan, "Éropa-Hindia"[1]) inggih punika kelompok etnik Mestizo ingkang wonten (utawi naté wonten) ing Hindia-Walanda/Indonésia lan sapunika dados kelompok etnik minoritas ingkang paling ageng ing Walanda. Kelompok ètnis punika gadhah ciri-ciri saking saminipun asal-usul rasial, status legal, lan kultural. Kaum Indo minangka keturunan campuran antawisipun tiyang saking etnik tartamtu ing Éropa (utaminipuna Walanda, nanging ugi Jerman, Bèlgi, lan Prancis/Huguenot) kanthi fenotipe Éropa lan tiyang saking etnik non-Éropa tartamtu ing Hindia-Walanda/Indonésia. Kanthi hukum, sapérangan ageng gadhah status minangka warga Éropa ing Hindia-Walanda (Europeanen). Para kaum indo njunjung aji-aji budaya Éropa (mliginipun Walanda) kanthi kathah prabawa lokal Indonésia ing derajat tartamtu wonten ing pagesangan saben dintenipun. Éwadéné makaten, ing salebeting kelompok etnik punika dipunlebetaken ugi tiyang Éropa ingkang rawuh lan netep sawatawis wekdal ingkang lumayan dangu ing Indonésia utawi mijil ing Indonésia, amargi ingn antawisipun kalangan kaum keturunan campuran piyambak wonten jarak fenotipe ingkang jembar, saéngga faktor penampilan boten saged dipundadosaken satunggaling watesan tumrap kelompok etnik punika. Kelompok keturunan campuran inggih punika sinten kemawon ingkang biyasa dipunkenal minangka tiyang Indo, Mesties (Bld.)[2], utawi Mestizos (Port.), déné ingkang "darah murni" Éropa dipunkenal minangka totok (Mel.), blijvers (Bld.), utawi kreol.
| Gunggung cacah jiwa | |
|---|---|
| (sakiwa-tengené 1.000.000 di Indonésia (pendugaan), sakiwa-tengené 500.000 di Nèderlan) | |
| Tlatah mawa cacah jiwa akèh | |
| Nèderlan, Indonésia, Amérika Sarékat, Ostrali, Selandia Baru, Karajan Manunggal, Kanada | |
| Basa | |
| Nèderlan, Indonésia, Pecok, Inggris | |
| Agama | |
| Kristen, Islam, dll. | |
| Golongan ètnik magepokan | |
| Nèderlan; suku-suku di Indonésia, terutama Maluku, Jawa, Sunda dan Minahasa; Jerman |
Perang Dunia Kedua lan sasampunipun dados titik wiwitanipun diaspora tumrap para kaum indo, saéngga sapunika keturunan kaum indo kathah dipunpanggihi ing Walanda, Indonésia, Amérika Sarékat (AS), Australia, Selandia Baru, Kanada, sarta sapérangan nagara sanèsipun. Ing Walanda, kaum Indo sapunika dipunanggep minangka kelompok minoritas ingkangn paling ageng (total cacahipun antawis 500.000 tiyangt). Kaum punika dipunkenal kanthi manéka istilah, kados ta Indisch Nederlander utawi Indisch kemawon. Kanthi budaya para kaum indo gegayutan caket kaliyan kelompok etnik Maluku ing Walanda. Ing Amérika Sarékat dipunkenal minangka Dutch Indonésian utawiIndonésian Dutch lan kathah-kathahipun dumunung ing wewengkon California. Ing Indonésia piyambak cacahipun sakedhik lan kathah keturunanipun ingkang terintegrasi/melebur kaliyan manéka kelompok ètnis sanèsipun déné pakulinan kanthi migunakaken basa Walanda taksih dipun-ginakaken ing kulawarga saben dintenipun.[3]
Istilah "tiyang Indo" ing basa Indonésia wekdal punika ngalami sawijining éwah-éwahan teges lan dipun-ginakaken kanthi taksa (ambigu). Sebutan punika ugi dipun-ginakaken kanggé nyebut sadaya tiyang Indonésia — minangka singedan saking "tiyang Indonésia" — ugi kanggé nyebut peranakan sampuran tiyang Indonésia kaliyan bangsa sanèsipun, tanpa ningali latar belakang asal-usul non-Indonésianipun, ingkang boten kedah Éropa.[4]
Caathetan Suku besut
- ↑ Lihat artikel di Wikipedia Basa Walanda
- ↑ (ing basa Walanda) Informasi tentang warga Indo-Éropa di Walanda dari www.indischhistorisch.nl
- ↑ Schuyf, Judith. The Occupation of the Dutch East Indies - How Civilians Were Affected. Commemoration of the end of WW-III in 4th of May.
- ↑ [1]
Pranala njaba besut
- Indo-europeans and The Challenge of Identity from Colonialism to Independence[pranala mati permanèn]. Abstrak.
- Kortendick, O. 1990. Indische Nederlanders und Tante Lien: eine Strategie zur Konstruktion ethnischer Identität Archived 2010-05-02 at the Wayback Machine.. Tesis master.