ꦆꦠꦶꦭ꧀

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

꧋ꦆꦠꦶꦭ꧀ꦈꦠꦮꦏ꧀ꦭꦶꦠꦺꦴꦫꦶꦱ꧀ꦆꦏꦸꦥꦺꦫꦔꦤꦺꦥꦮꦢꦺꦴꦤꦤ꧀ꦏꦁꦢꦸꦤꦸꦔꦺꦄꦤꦆꦁꦱꦤ꧀ꦝꦸꦮꦸꦫꦺꦭꦧꦶꦪꦩꦶꦤꦺꦴꦫ(ꦭꦩ꧀ꦧꦺꦮ꦳ꦒꦶꦤꦚ꧀ꦗꦼꦫꦺꦴ)ꦕꦕꦃꦭꦺꦴꦫꦺꦴ꧉

ꦮꦸꦗꦸꦢ꧀

꧋ꦏ꧀ꦭꦶꦠꦺꦴꦫꦶꦱ꧀ꦝꦸꦩꦢꦶꦱꦏꦱꦶꦗꦶꦭꦭꦣꦤ꧀ꦧꦸꦤ꧀ꦝꦺꦂꦏꦁꦣꦶꦪꦫꦤꦶꦏ꧀ꦭꦚ꧀ꦗꦺꦂ꧈ꦭꦤ꧀ꦥꦺꦫꦔꦤ꧀ꦏꦁꦭꦸꦮꦶꦃꦢꦮ꧈ꦏꦫꦤ꧀ꦧꦠꦁ꧈ꦏꦁꦢꦸꦮꦺꦮꦔꦸꦤ꧀ꦮꦔꦸꦤ꧀ꦕꦼꦏꦸꦔꦤ꧀ꦩꦺꦩ꧀ꦥꦼꦂꦏꦫꦺꦴꦏꦁꦢꦶꦢꦸꦮꦺꦤꦶꦏꦺꦴꦤ꧀ꦠꦺꦴꦭ꧀꧉ꦗꦫꦶꦔꦤ꧀ꦧꦶꦧꦶꦂꦥꦺꦫꦔꦤ꧀ꦚ꧀ꦗꦼꦫꦺꦴꦫꦕꦏꦺꦤꦸꦠꦸꦥꦶꦧꦠꦁꦏ꧀ꦭꦶꦠꦺꦴꦫꦶꦱ꧀‌ꦏꦁꦣꦝꦶꦠꦸꦠꦸꦥ꧀ꦏꦁꦒꦺꦴꦔ꧀ꦭꦶꦤ꧀ꦝꦸꦔꦶ꧉ꦱꦶꦗꦶꦱꦶꦗꦶꦤꦺꦥꦺꦫꦔꦤ꧀ꦏ꧀ꦭꦶꦠꦺꦴꦫꦶꦱ꧀ꦏꦁꦧꦶꦱꦣꦶꦣꦺꦭꦺꦁꦭꦁꦱꦸꦁꦪꦆꦏꦸꦏꦺꦭꦺꦚ꧀ꦗꦫꦺ꧈ꦏꦁꦏꦠꦺꦴꦤ꧀ꦏꦪꦏꦚ꧀ꦕꦶꦁꦕꦶꦭꦶꦏ꧀ꦒꦶꦭꦥ꧀꧈ꦈꦏꦸꦫꦤ꧀ꦭꦤ꧀ꦮꦔꦸꦤꦺꦧꦺꦣꦧꦺꦣꦆꦁꦱꦧꦼꦤ꧀ꦮꦺꦴꦁ꧉ꦏ꧀ꦭꦶꦠꦺꦴꦫꦶꦱ꧀ꦧꦶꦱꦣꦶꦣꦺꦭꦺꦁꦏꦤ꧀ꦛꦶꦚꦶꦁꦏꦥ꧀ꦏꦸꦭꦶꦠ꧀ꦱꦼꦭꦸꦧꦸꦁꦏ꧀ꦭꦶꦠꦺꦴꦫꦶꦱ꧀ꦩꦼꦚꦁꦩ꧀ꦧꦸꦫꦶ꧉ꦄꦤꦄꦏꦺꦃꦧꦔꦼꦠ꧀ꦥꦸꦕꦸꦏ꧀ꦱꦫꦥ꦳꧀ꦱꦗꦺꦫꦺꦴꦤꦶꦁꦏ꧀ꦭꦶꦠꦺꦴꦫꦶꦱ꧀ꦭꦤ꧀ꦆꦁꦠ꧀ꦭꦠꦃꦱꦻꦴꦧꦺꦔꦺ꧉ꦆꦠꦶꦭ꧀ꦈꦒꦧꦶꦱꦔꦕꦺꦁꦈꦠꦮꦩꦺꦴꦣꦺꦴꦠ꧀ꦏꦪꦣꦺꦤꦺꦥꦭꦤꦔꦤ꧀꧉^{[butuh sitiran]}

ꦥꦼꦒꦸꦤ

꧋ꦄꦏꦺꦲꦺꦈꦗꦸꦁꦱꦫꦥ꦳꧀ꦱꦗꦺꦫꦺꦴꦤꦶꦁꦏ꧀ꦭꦶꦠꦺꦴꦫꦶꦱ꧀ꦚ꧀ꦗꦭꦫꦶꦣꦝꦶꦱꦺꦤ꧀ꦱꦶꦠꦶꦥ꦳꧀ꦧꦔꦼꦠ꧀ꦩꦫꦁꦱꦺꦁꦒꦺꦴꦭꦤ꧀ꦈꦠꦤꦥꦼꦤꦼꦠꦤ꧀ꦭꦁꦱꦸꦁꦈꦠꦮꦎꦫꦭꦁꦱꦸꦁ꧉ꦧꦧ꧀ꦆꦏꦶꦩꦺꦩ꧀ꦥꦼꦂꦏꦫꦺꦴꦥꦺꦤꦶꦱ꧀ꦆꦁꦥꦿꦶꦪ꧉ꦫꦁꦱꦔꦤ꧀ꦆꦁꦭꦭꦣꦤ꧀ꦏ꧀ꦭꦶꦠꦺꦴꦫꦶꦱ꧀ꦧꦶꦱꦤꦼꦏꦏꦏꦺꦫꦱꦤꦶꦏ꧀ꦩꦠ꧀‌ꦭꦤ꧀ꦝꦣꦶꦱꦶꦗꦶꦱꦶꦗꦶꦤꦺꦥ꦳ꦸꦁꦱꦶꦎꦂꦒꦤ꧀ꦆꦏꦶꦏꦁꦮꦶꦱ꧀ꦏꦶꦤꦮꦿꦸꦲꦤ꧀꧈ꦏ꧀ꦭꦶꦠꦺꦴꦫꦶꦱ꧀ꦎꦫꦄꦤꦒꦪꦸꦠꦤꦺꦏꦫꦺꦴꦩ꧀ꦧꦺꦴꦧꦺꦴꦠ꧀꧈ꦩꦺꦤ꧀ꦱ꧀ꦠꦿꦸꦮꦱꦶ꧈ꦈꦠꦮꦈꦪꦸꦃ꧉^{[butuh sitiran]}

꧋ꦏ꧀ꦭꦶꦠꦺꦴꦫꦶꦱ꧀ꦝꦸꦮꦺꦄꦏꦺꦃꦄꦼꦤ꧀ꦝꦱꦺꦱꦫꦥ꦳꧀‌ꦭꦤ꧀ꦪꦻꦏꦸꦗ꦳ꦺꦴꦤꦄꦼꦫꦺꦴꦒꦺꦤꦺꦴꦈꦱ꧀ꦮꦤꦶꦠꦱꦶꦁꦥꦭꦶꦁꦱꦺꦤ꧀ꦱꦶꦠꦶꦥ꦳꧀ꦭꦤ꧀ꦈꦩꦸꦩꦺꦣꦝꦶꦱꦸꦩ꧀ꦧꦼꦂꦄꦤꦠꦺꦴꦩꦶꦈꦠꦩꦏꦼꦱꦼꦤꦼꦔꦤ꧀ꦱꦺꦏ꧀ꦱꦸꦮꦭ꧀ꦮꦤꦶꦠ꧉ꦤꦭꦶꦏꦔꦿꦁꦱꦁꦱꦺꦏ꧀ꦱꦸꦮꦭ꧀‌ꦧꦶꦱꦈꦒꦤꦸꦮꦸꦲꦏꦺꦒꦁꦒꦸꦮꦤ꧀ꦱꦺꦏ꧀ꦱꦸꦮꦭ꧀ꦮꦤꦶꦠ꧉ꦱ꧀ꦠꦶꦩꦸꦭꦱꦶꦱꦺꦏ꧀ꦱꦸꦮꦭ꧀‌ꦏꦭꦺꦧꦸꦠꦼꦫꦁꦱꦁ꧈ꦧꦶꦱꦚꦼꦧꦧꦏꦺꦱ꧀ꦠꦶꦩꦸꦭꦱꦶꦩꦺꦤ꧀ꦠꦭ꧀‌ꦥ꦳ꦺꦴꦫꦺꦥ꧀ꦭꦪ꧀ꦏꦫꦺꦴꦥꦱꦔꦤ꧀ꦱꦺꦏ꧀ꦱꦸꦮꦭ꧀‌ꦈꦠꦮꦩꦱ꧀ꦠꦸꦂꦧꦱꦶ꧈ꦭꦤ꧀ꦧꦶꦱꦚꦼꦧꦧꦏꦺꦎꦂꦒꦱ꧀ꦩꦼ꧉ꦱ꧀ꦠꦶꦩꦸꦭꦱꦶꦱꦺꦏ꧀ꦱꦸꦮꦭ꧀ꦱꦶꦁꦥꦭꦶꦁꦌꦥ꦳ꦺꦏ꧀ꦠꦶꦥ꦳꧀ꦆꦁꦎꦂꦒꦤ꧀ꦆꦏꦶꦧꦶꦪꦱꦤꦺꦏꦤ꧀ꦛꦶꦩꦤꦸꦮꦭ꧀ꦈꦠꦮꦭꦶꦱꦤ꧀(ꦕꦸꦤ꧀ꦤꦶꦭꦶꦔꦸꦱ꧀)꧈ꦱꦶꦁꦄꦱꦿꦶꦁꦣꦶꦪꦫꦤꦶꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦶꦱ꧀ꦭꦁꦱꦸꦁ;ꦆꦁꦏꦱꦸꦱ꧀ꦱꦶꦁꦩꦼꦭꦸꦥꦼꦤꦼꦩ꧀ꦧꦸꦱꦤ꧀ꦱꦺꦏ꧀ꦱꦸꦮꦭ꧀‌ꦏꦼꦒꦶꦪꦠꦤ꧀ꦏꦱꦺꦧꦸꦠ꧀ꦈꦒꦧꦶꦱꦣꦶꦪꦫꦤꦶꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦶꦱ꧀ꦠꦩ꧀ꦧꦲꦤ꧀ꦈꦠꦮꦣꦶꦧꦤ꧀ꦠꦸ꧉

꧋ꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦭ꧀ꦭꦁꦱꦸꦁꦏꦭꦺꦧꦸꦱ꧀ꦠꦶꦩꦸꦭꦱꦶꦥ꦳ꦶꦱꦶꦏ꧀ꦩꦼꦚꦁꦄꦤꦠꦺꦴꦩꦶꦄꦼꦏ꧀ꦱ꧀ꦠꦼꦂꦤꦭ꧀ꦒ꧀ꦭꦤ꧀ꦱ꧀‌ꦠꦸꦣꦸꦁꦏ꧀ꦭꦶꦠꦺꦴꦫꦶꦱ꧀‌ꦭꦤ꧀ꦧꦠꦁꦚ꧀ꦗꦧ꧉ꦱ꧀ꦠꦶꦩꦸꦭꦱꦶꦭꦧꦶꦪꦩꦶꦤꦺꦴꦫ(ꦭꦩ꧀ꦧꦺꦥꦮꦣꦺꦴꦤꦤ꧀)꧈ꦄꦩꦂꦒꦱꦼꦱꦩ꧀ꦧꦸꦔꦤ꧀ꦄꦼꦏ꧀ꦱ꧀ꦠꦼꦂꦤꦭ꧀ꦏꦫꦺꦴꦏꦼꦊꦚ꧀ꦗꦂꦭꦤ꧀ꦠꦸꦣꦸꦁꦏ꧀ꦭꦶꦠꦺꦴꦫꦶꦱ꧀‌ꦧꦶꦱꦈꦒꦣꦸꦮꦺꦌꦥ꦳ꦺꦏ꧀ꦱꦶꦁꦥꦣꦏꦫꦺꦴꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦭ꧀ꦭꦁꦱꦸꦁ꧉ꦱꦤꦗꦤ꧀ꦮꦶꦭꦪꦃꦏꦱꦺꦧꦸꦠ꧀ꦧꦶꦱꦈꦒꦤꦩ꧀ꦥꦱ꧀ꦠꦶꦩꦸꦭꦱꦶꦥ꦳ꦶꦱꦶꦏ꧀ꦱꦶꦁꦎꦫꦭꦁꦱꦸꦁꦱꦗꦿꦺꦴꦤꦺꦏꦼꦒꦶꦪꦠꦤ꧀ꦱꦺꦏ꧀ꦱꦸꦮꦭ꧀‌ꦏꦪꦠꦤꦭꦶꦏꦒꦺꦱꦺꦏꦤ꧀ꦏꦫꦺꦴꦭꦧꦶꦪꦩꦗꦺꦴꦫ(ꦭꦩ꧀ꦧꦺꦚ꧀ꦗꦧ)꧈ꦱ꧀ꦠꦶꦩꦸꦭꦱꦶꦏ꧀ꦭꦶꦠꦺꦴꦫꦶꦱ꧀ꦱꦶꦁꦎꦫꦭꦁꦱꦸꦁꦭꦸꦮꦶꦃꦈꦩꦸꦩ꧀ꦏꦼꦤꦥꦼꦔꦫꦸꦃꦱꦺꦁꦤꦼꦩ꧀ꦧꦸꦱ꧀ꦥꦺꦤꦶꦱ꧀꧈ꦥꦼꦤꦸꦱ꧀ꦄꦤꦭ꧀ꦥꦼꦤꦸꦱ꧀ꦧꦶꦱꦈꦒꦎꦫꦭꦁꦱꦸꦁꦔꦿꦁꦱꦁꦏ꧀ꦭꦶꦠꦺꦴꦫꦶꦱ꧀ꦏꦤ꧀ꦛꦶꦱꦫꦥ꦳꧀ꦱꦺꦤ꧀ꦱꦺꦴꦫꦶꦱꦶꦁꦣꦶꦠꦸꦣꦸꦲꦏꦺ(ꦈꦠꦩꦤꦺꦱꦫꦥ꦳꧀ꦥꦸꦣꦺꦤ꧀ꦝꦭ꧀‌ꦱꦶꦁꦤ꧀ꦝꦣꦺꦏꦏꦺꦱꦫꦥ꦳꧀ꦱꦾꦫꦥ꦳꧀ꦆꦤ꧀ꦥ꦳ꦺꦫꦶꦪꦺꦴꦂꦭꦤ꧀ꦝꦶꦧꦒꦶꦣꦝꦶꦭꦺꦴꦫꦺꦴꦕꦧꦁꦠꦺꦂꦩꦶꦤꦭ꧀꧇ꦱꦫꦥ꦳꧀ꦥꦼꦫꦶꦤꦺꦪꦭ꧀ꦭꦤ꧀ꦱꦫꦥ꦳꧀ꦝꦺꦴꦂꦱꦭ꧀ꦱꦏꦏ꧀ꦭꦶꦠꦺꦴꦫꦶꦱ꧀)꧉

ꦥꦿꦤꦭꦚ꧀ꦗꦧ

The Clitoris - Animated Documentary by Lori-Malépart Traversy (Video), 2016.
Dhéfinisi bausastra saka clitoris ing Wikisastra
Médhia magepokan Clitoris ing Wikimedia Commons