ꦲꦺꦴꦩꦃ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

꧋ꦲꦺꦴꦩꦃꦲꦶꦏꦸꦥꦁꦒꦺꦴꦤꦤ꧀ꦱꦶꦁꦢꦢꦶꦒꦮꦺꦮꦺꦴꦁꦏꦁꦒꦺꦴꦢꦼꦢꦸꦤꦸꦁꦲꦸꦠꦮꦤꦼꦠꦼꦥ꧀꧈ꦲꦶꦁꦱꦗꦼꦫꦺꦴꦤꦶꦁꦲꦺꦴꦩꦃ꧈ꦮꦺꦴꦁꦲꦸꦠꦮꦏꦸꦭꦮꦂꦒꦩꦻꦴꦧꦶꦱꦭꦺꦫꦺꦤ꧀ꦭꦤ꧀ꦚꦶꦩ꧀ꦥꦺꦤ꧀ꦢꦼꦢꦸꦮꦺꦤꦺ꧉

꧋ꦩꦕꦺꦩ꧀ꦩꦕꦺꦩ꧀ꦗꦶꦤꦶꦱ꧀ꦲꦺꦴꦩꦃꦲꦶꦁꦱꦻꦤ꧀ꦢꦺꦔꦶꦁꦗꦒꦢ꧀꧈ꦏꦤ꧀ꦛꦶꦒꦪꦏꦁꦧꦺꦢꦧꦺꦢ

꧋ꦲꦶꦁꦗꦩꦤ꧀ꦩꦺꦴꦢꦺꦉꦤ꧀ꦱꦲꦶꦏꦶ꧈ꦲꦶꦱꦶꦲꦺꦴꦩꦃꦲꦶꦏꦸꦮꦂꦤꦮꦂꦤ꧈ꦲꦤꦥꦶꦫꦤ꧀ꦠꦶꦏꦁꦒꦺꦴꦚꦶꦪꦥꦏꦺꦥꦔꦤ꧀ꦭꦤ꧀ꦏꦁꦒꦺꦴꦉꦉꦱꦶꦏ꧀ꦲꦮꦏ꧀ꦏꦪꦢꦺꦤꦺꦥꦥꦤ꧀ꦲꦢꦸꦱ꧀ꦭꦤ꧀ꦗꦩ꧀ꦧꦤ꧀꧈

꧋ꦲꦺꦴꦩꦃꦲꦮꦸꦗꦸꦢ꧀ꦫꦸꦮꦔꦤ꧀ꦱꦶꦁꦢꦶꦮꦠꦼꦱ꧀ꦱꦶꦠꦺꦩ꧀ꦧꦺꦴꦏ꧀ꦭꦤ꧀ꦥꦪꦺꦴꦤ꧀꧈ꦫꦕꦏꦺꦢꦸꦮꦺꦢꦭꦤ꧀ꦩ꧀ꦭꦼꦧꦸ/ꦩꦼꦠꦸꦮꦸꦗꦸꦢ꧀ꦭꦮꦁ꧈ꦧꦶꦱꦲꦸꦒꦩꦮꦗꦺꦤ꧀ꦝꦺꦭꦏꦁꦒꦺꦴꦥꦼꦥꦢꦁꦭꦤ꧀ꦭꦸꦩꦺꦧꦸꦩꦼꦠꦸꦤꦺꦲꦮ꧉ꦢꦱꦂꦫꦺꦲꦺꦴꦩꦃꦧꦶꦱꦲꦮꦸꦗꦸꦢ꧀ꦊꦩꦃ꧈ꦈꦧꦶꦤ꧀꧈ꦧꦧꦸꦠ꧀꧈ꦏꦺꦫꦩꦶꦏ꧀꧈ꦲꦸꦠꦮꦧꦲꦤ꧀ꦭꦶꦪꦤꦺ꧉ꦲꦺꦴꦩꦃꦩꦺꦴꦢꦺꦂꦤ꧀ꦫꦕꦏꦺꦥꦼꦥꦏ꧀ꦢꦸꦮꦺꦲꦸꦤ꧀ꦱꦸꦂꦲꦸꦤ꧀ꦱꦸꦂꦲꦶꦏꦶ꧈ꦭꦤ꧀ꦫꦸꦮꦔꦤ꧀ꦲꦶꦁꦱꦗꦼꦫꦺꦴꦤꦺꦏꦥꦺꦫꦁꦧꦒꦶꦢꦝꦶꦏꦩꦂꦏꦩꦂꦱꦶꦁꦕꦫꦤꦺꦔꦁꦒꦺꦴꦢꦺꦮꦺꦢꦺꦮꦺ꧈ꦏꦪꦠꦏꦩꦂꦠꦸꦫꦸ꧈ꦥꦏꦶꦮꦤ꧀ꦲꦸꦠꦮꦏꦏꦸꦱ꧀‌ꦫꦸꦮꦁꦩꦔꦤ꧀꧈ꦫꦸꦮꦁꦏꦸꦭꦮꦂꦒ꧈ꦫꦸꦮꦁꦠꦩꦸ꧈ꦒꦫꦱꦶ꧈ꦒꦸꦢꦁ꧈ꦠꦺꦫꦱ꧀꧈ꦭꦤ꧀ꦥꦺꦏꦫꦔꦤ꧀꧉

꧋ꦱꦗꦼꦫꦺꦴꦤꦶꦁꦏꦒꦶꦪꦠꦤ꧀ꦱꦢꦶꦤꦢꦶꦤ꧈ꦮꦺꦴꦁꦫꦕꦏꦺꦲꦤꦲꦶꦁꦱꦗꦧꦤꦺꦲꦺꦴꦩꦃꦱꦥꦼꦂꦭꦸꦚꦩ꧀ꦧꦸꦠ꧀ꦒꦮꦺ꧈ꦭꦸꦩꦼꦧꦸꦱꦼꦏꦺꦴꦭꦃ꧈ꦲꦸꦠꦮꦔꦪꦲꦶꦲꦏ꧀ꦠꦶꦮ꦳ꦶꦠꦱ꧀ꦭꦶꦪ꧈ꦤꦔꦶꦁꦥꦭꦶꦁꦱꦼꦛꦶꦛꦶꦏ꧀ꦲꦺꦴꦩꦃꦢꦸꦮꦺꦥ꦳ꦸꦁꦱꦶꦩꦶꦤꦁꦏꦥꦥꦤ꧀ꦏꦁꦒꦺꦴꦠꦸꦫꦸꦏꦸꦭꦮꦂꦒ꧉

ꦲꦸꦒꦢꦼꦊꦁꦔꦼꦤ꧀

ꦥꦿꦤꦭꦚ꧀ꦗꦧ

Housing through the centuries, animation by The Atlantic