ꦏꦪꦸ
꧋ꦏꦪꦸꦆꦏꦸꦥꦺꦫꦔꦤ꧀ꦄꦠꦺꦴꦱ꧀ꦱꦏꦠꦼꦠꦸꦮꦸꦲꦤ꧀ꦏꦁꦢꦶꦒꦺꦴꦭꦺꦴꦔꦏꦺꦩꦼꦚꦁꦮꦶꦠ꧀ꦭꦤ꧀ꦒꦿꦸꦩ꧀ꦧꦸꦭ꧀꧉ꦏꦪꦸꦢꦶꦥꦶꦒꦸꦤꦏꦏꦺꦏꦁꦒꦺꦴꦩꦤꦺꦏꦮꦂꦤꦏꦥꦺꦂꦭꦸꦮꦤ꧀ꦮꦶꦮꦶꦠ꧀ꦱꦏꦒꦺꦒꦺꦤꦺꦤ꧀ꦒꦮꦺꦥꦼꦫꦧꦺꦴꦠ꧀(ꦩꦺꦗ꧈ꦏꦸꦂꦱꦶ)꧈ꦧꦲꦤ꧀ꦪꦱꦤ꧀(ꦭꦮꦁ꧈ꦗꦺꦤ꧀ꦢꦺꦭ꧈ꦫꦁꦏꦥꦪꦺꦴꦤ꧀)꧈ꦧꦲꦤ꧀ꦏꦼꦂꦠꦱ꧀꧈ꦭꦤ꧀ꦆꦱꦶꦃꦄꦏꦺꦃꦭꦶꦪꦤꦺ꧉ꦏꦪꦸꦈꦒꦧꦶꦱꦢꦶꦩꦤ꧀ꦥ꦳ꦔꦠꦏꦺꦩꦶꦤꦁꦏꦉꦉꦁꦒꦤ꧀ꦉꦉꦁꦒꦤ꧀ꦫꦸꦩꦃꦠꦁꦒꦭꦤ꧀ꦏꦒꦸꦤꦤ꧀ꦭꦶꦪꦤꦺ꧉
꧋ꦱꦕꦫꦏꦶꦩꦶꦪ꧈ꦏꦪꦸꦏꦱꦸꦱꦸꦤ꧀ꦱꦏꦱꦮꦠꦫꦥꦺꦫꦔꦤ꧀ꦈꦠꦩꦪꦻꦏꦸꦱꦺꦭꦸꦭꦺꦴꦱꦭꦤ꧀ꦭꦶꦒ꧀ꦤꦶꦤ꧀꧉
꧋ꦱꦗꦺꦫꦺꦴꦤꦶꦁꦌꦭ꧀ꦩꦸꦏꦪꦸꦣꦶꦏꦼꦤꦭ꧀ꦱꦮꦠꦫꦱꦶꦥꦠ꧀ꦪꦻꦏꦸ:ꦱꦶꦥꦠ꧀ꦏꦶꦩꦶꦪ꧈ꦱꦶꦥꦠ꧀ꦥ꦳ꦶꦱꦶꦏꦭꦤ꧀ꦱꦶꦥꦠ꧀ꦩꦺꦏꦤꦶꦏ꧉
꧋ꦄꦤꦩꦤꦺꦏꦗꦶꦤꦶꦱ꧀ꦏꦪꦸꦏꦁꦢꦶꦪꦱꦶꦭꦏꦺꦱꦏꦈꦮꦶꦠ꧀ꦏꦁꦏꦤ꧀ꦛꦶꦈꦩꦸꦩ꧀ꦧꦶꦱꦢꦶꦧꦺꦢꦏꦏꦺꦫꦺꦴꦁꦒꦺꦴꦭꦺꦴꦔꦤ꧀ꦪꦻꦏꦸ:
꧋ꦗꦶꦤꦶꦱ꧀ꦈꦮꦶꦠ꧀ꦱꦏꦒꦺꦴꦭꦺꦴꦔꦤ꧀ꦈꦮꦶꦠ꧀ꦒꦺꦴꦣꦺꦴꦁꦄꦩ꧀ꦧ꧈ꦏꦤ꧀ꦛꦶꦕꦶꦫꦶꦕꦶꦫꦶ:
- ꦭꦸꦩꦿꦲꦺꦮꦔꦸꦤ꧀ꦒꦺꦴꦣꦺꦴꦁꦄꦩ꧀ꦧ꧉
- ꦠꦗꦸꦏ꧀ꦒꦼꦢꦺꦭꦤ꧀ꦧꦸꦤ꧀ꦝꦺꦂ
- ꦒꦺꦴꦝꦺꦴꦁꦫꦺꦴꦤ꧀ꦠꦺꦴꦏ꧀
- ꦠꦸꦮꦸꦃꦄꦭꦺꦴꦤ꧀ꦄꦭꦺꦴꦤ꧀(ꦱꦸꦮꦺ)
- ꦭꦸꦩꦿꦲꦺꦮꦶꦠꦺꦎꦫꦏꦺꦚ꧀ꦕꦺꦁꦭꦤ꧀ꦩꦮꦧꦺꦴꦁꦒꦺꦴꦭ꧀
- ꦭꦸꦩꦿꦲꦺꦣꦸꦮꦺꦮꦠꦁꦏꦁꦄꦠꦺꦴꦱ꧀
꧋ꦗꦶꦤꦶꦱ꧀ꦈꦮꦶꦠ꧀ꦏꦤ꧀ꦛꦶꦒꦺꦴꦣꦺꦴꦁꦄꦮꦔꦸꦤ꧀ꦢꦺꦴꦩ꧀꧈ꦏꦤ꧀ꦛꦶꦕꦶꦫꦶꦕꦶꦫꦶꦆꦁꦔꦶꦱꦺꦴꦂ:
- ꦮꦔꦸꦤ꧀ꦒꦺꦴꦝꦺꦴꦁꦏꦪꦢꦺꦴꦩ꧀
- ꦠꦗꦸꦏ꧀ꦲꦮꦔꦸꦤ꧀ꦏꦿꦸꦕꦸꦠ꧀
- ꦭꦸꦩꦿꦲꦺꦎꦫꦫꦺꦴꦤ꧀ꦠꦺꦴꦏ꧀ꦒꦺꦴꦣꦺꦴꦔꦺ꧈ꦏꦗꦧꦱꦮꦠꦫꦈꦮꦶꦠ꧀꧈
- ꦠꦸꦮꦸꦃꦫꦶꦏꦠ꧀ꦭꦤ꧀ꦏꦺꦚ꧀ꦕꦺꦁꦩꦼꦤ꧀ꦝꦸꦮꦸꦂ꧉
- ꦭꦸꦩꦿꦲꦺꦢꦸꦮꦺꦏꦪꦸꦄꦼꦩ꧀ꦥꦸꦏ꧀ꦭꦤ꧀ꦌꦤ꧀ꦛꦺꦁ꧉
ꦥꦿꦧꦺꦢꦤ꧀ꦭꦶꦪꦤꦺꦪꦻꦏꦸ:
- ꦏꦪꦸꦒꦺꦴꦣꦺꦴꦁꦄꦩ꧀ꦧ
- ꦱ꧀ꦠꦿꦸꦏ꧀ꦠꦸꦂꦏꦪꦸꦊꦧꦶꦃꦥꦼꦥꦏ꧀
- ꦢꦸꦮꦺꦥꦺꦴꦫꦶꦥꦺꦴꦫꦶ(ꦱꦺꦭ꧀ꦱꦺꦭ꧀ꦥꦼꦩ꧀ꦧꦸꦭꦸꦃ)ꦏꦤ꧀ꦛꦶꦏꦺꦴꦩ꧀ꦧꦶꦤꦱꦶꦮꦔꦸꦤ꧀ꦗꦫꦶꦔꦤ꧀ꦭꦸꦮꦶꦃꦏꦺꦴꦩ꧀ꦥ꧀ꦭꦺꦏ꧀ꦱ꧀꧈
- ꦕꦺꦴꦤ꧀ꦠꦺꦴꦗꦶꦤꦶꦱ꧀ꦈꦮꦶꦠ꧀ꦒꦺꦴꦣꦺꦴꦁꦄꦩ꧀ꦧ꧇ꦗꦠꦶ꧈ꦩꦺꦫꦤ꧀ꦠꦶꦭꦱꦥ꧉
- ꦏꦪꦸꦒꦺꦴꦣꦺꦴꦁꦢꦺꦴꦩ꧀
- ꦱ꧀ꦠꦿꦸꦏ꧀ꦠꦸꦂꦏꦪꦸꦭꦸꦮꦶꦃꦥꦿꦱꦗ
- ꦎꦫꦢꦸꦮꦺꦥꦺꦴꦫꦶꦥꦺꦴꦫꦶꦤꦔꦶꦁꦮꦸꦗꦸꦢ꧀ꦱꦺꦭ꧀ꦠꦿꦏꦺꦪꦶꦢ꧈ꦪꦻꦏꦸꦱꦺꦭ꧀ꦏꦁꦄꦮꦔꦸꦤ꧀ꦝꦮꦏꦤ꧀ꦛꦶꦥꦸꦕꦸꦏ꧀ꦏꦁꦕꦶꦭꦶꦏ꧀ꦔꦤ꧀ꦠꦶꦭꦚ꧀ꦕꦶꦥ꧀꧈
- ꦒꦸꦁꦒꦸꦁꦗꦶꦤꦶꦱ꧀ꦱꦺꦭ꧀ꦭꦸꦮꦶꦃꦱꦼꦛꦶꦛꦶꦏ꧀ꦭꦤ꧀ꦏꦺꦴꦩ꧀ꦧꦶꦤꦱꦶꦮꦔꦸꦤ꧀ꦮꦔꦸꦤ꧀ꦗꦫꦶꦔꦤꦺꦭꦸꦮꦶꦃꦥꦿꦱꦗ꧉
- ꦒꦸꦁꦒꦸꦁꦗꦶꦤꦶꦱ꧀ꦈꦮꦶꦠ꧀ꦒꦺꦴꦣꦺꦴꦁꦢꦺꦴꦩ꧀ꦆꦁꦆꦤ꧀ꦝꦺꦴꦤꦺꦱꦶꦪꦭꦸꦮꦶꦃꦱꦼꦛꦶꦛꦶꦏ꧀ꦏꦪꦠ:ꦥꦶꦤꦸꦱ꧀ꦈꦠꦮꦠꦸꦱꦩ꧀ꦄꦒꦛꦶꦱ꧀(ꦢꦩꦂ)꧈ꦗꦩꦸꦗꦸ
ꦢꦼꦊꦁꦈꦒ
besut
 | Artikel ngenani yasan tinamtu iki minangka artikel rintisan. Kowé bisa ngéwangi Wikipédia ngembangaké. |