ꦏꦼꦕꦥꦶ

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Artikel iki ditulis nganggo basa krama.

꧋ꦏꦼꦕꦥꦶꦲꦶꦁꦒꦶꦃꦥꦸꦤꦶꦏꦥꦶꦫꦤ꧀ꦠꦺꦴꦱ꧀ꦩꦸꦱꦶꦏ꧀ꦱꦏꦶꦁꦱꦸꦤ꧀ꦝ꧉ꦥꦶꦫꦤ꧀ꦠꦺꦴꦱ꧀ꦩꦸꦱꦶꦏ꧀ꦥꦸꦤꦶꦏꦢꦶꦥꦸꦤ꧀ꦢꦩꦺꦭ꧀ꦱꦏꦶꦁꦏꦗꦼꦁꦏꦺꦤꦔꦲꦶꦁꦏꦁꦱꦢꦺꦫꦺꦔꦶꦥꦸꦤ꧀ꦢꦶꦥꦸꦤ꧀ꦉꦤ꧀ꦝꦼꦩ꧀ꦠꦺꦴꦪꦏꦶꦫꦁꦭꦁꦏꦸꦁꦠꦶꦒꦁꦮꦸꦭꦤ꧀꧈ꦱꦼꦤꦫꦶꦥꦸꦤ꧀ꦢꦶꦥꦸꦤ꧀ꦢꦩꦼꦭ꧀ꦱꦏꦶꦁꦏꦮꦠ꧀ꦱꦸꦮꦱꦲꦶꦁꦒꦶꦃꦥꦸꦤꦶꦏꦕꦩ꧀ꦥꦸꦫꦤ꧀ꦗꦼꦤꦂꦏꦭꦶꦪꦤ꧀ꦠꦼꦩ꧀ꦧꦒ꧉ꦤꦢꦲꦶꦁꦏꦕꦥꦶꦱꦸꦤ꧀ꦢꦕꦕꦲꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦒꦁꦱꦭ꧀‌꧈ꦲꦶꦁꦒꦶꦃꦥꦸꦤꦶꦏꦢ꧈ꦩꦶ꧈ꦤ꧈ꦠꦶ꧈ꦭ

ꦧꦼꦤ꧀ꦠꦸꦏ꧀

ꦏꦕꦥꦶꦥꦫꦲꦸꦲꦶꦁꦒꦶꦃꦥꦸꦤꦶꦏꦏꦼꦕꦥꦶꦲꦶꦁꦏꦁꦮꦸꦗꦸꦢꦶꦥꦸꦤ꧀ꦏꦝꦺꦴꦱ꧀ꦧꦻꦠ꧉ꦏꦺꦴꦠꦏ꧀ꦫꦺꦱꦺꦴꦤꦤ꧀ꦱꦶꦢꦶꦥꦸꦤ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦤ꧀ꦝꦥ꧀ꦱꦸꦥꦝꦺꦴꦱ꧀ꦱ꧀ꦮꦤ꧀ꦠꦺꦤꦶꦥꦸꦤ꧀ꦱꦒꦺꦣ꧀ꦩꦼꦢꦭ꧀꧈ꦗꦩꦤ꧀ꦫꦶꦏꦭꦱꦼꦩꦤ꧀ꦠꦺꦤ꧀‌꧈ꦏꦼꦕꦥꦶꦥꦸꦤꦶꦏꦭꦁꦱꦸꦁꦢꦶꦥꦸꦤ꧀ꦢꦩꦼꦭ꧀ꦱꦏꦶꦁꦥꦲꦠꦤ꧀ꦱꦏꦥꦲꦠꦤ꧀ꦮꦿꦼꦏ꧀ꦱꦮꦿꦼꦏ꧀ꦱꦲꦤ꧀꧈

ꦏꦼꦕꦥꦶꦱꦶꦠꦺꦂꦲꦶꦁꦒꦶꦃꦥꦸꦤꦶꦏꦏꦺꦴꦠꦏ꧀ꦫꦺꦱꦺꦴꦤꦤ꧀ꦱꦶꦏꦭꦶꦪꦤ꧀ꦮꦶꦢꦁꦫꦢꦶꦤ꧀ꦲꦶꦁꦏꦁꦱꦼꦠꦸꦁꦒꦭ꧀ꦗꦗꦂ꧉ꦱꦼꦫꦸꦥꦶꦏꦭꦶꦪꦤ꧀ꦏꦕꦥꦶꦥꦫꦲꦸ꧈ꦧꦺꦴꦭꦺꦴꦔꦶꦥꦸꦤ꧀ꦢꦶꦥꦸꦤ꧀ꦠꦼꦩ꧀ꦥꦠꦏꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦺꦫꦔꦤ꧀ꦔꦤ꧀ꦢꦥ꧀꧈ꦱꦶꦱꦶꦥꦺꦫꦔꦤ꧀ꦲꦶꦁꦒꦶꦭ꧀ꦭꦤ꧀ꦔꦤ꧀ꦢꦥꦶꦥꦸꦤ꧀ꦩ꧀ꦧꦼꦤ꧀ꦠꦸꦏ꧀ꦠꦿꦥꦺꦱꦶꦪꦸꦩ꧀꧈

꧋ꦏꦁꦒꦺꦏꦏꦭꦶꦃꦗꦶꦤꦶꦱ꧀ꦏꦼꦕꦥꦶꦥꦸꦤꦶꦏꦶ꧈ꦠꦶꦪꦥ꧀ꦢꦮꦻꦢꦶꦥꦸꦤ꧀ꦲꦶꦏꦠꦏꦺꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦠꦸꦁꦒꦭ꧀ꦱꦼꦏꦿꦸꦥ꧀ꦲꦭꦶꦠ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦶꦱꦶꦠꦼꦔꦼꦤ꧀ꦔꦶꦁꦒꦶꦭ꧀ꦏꦺꦴꦠꦏ꧀꧈ꦥꦶꦪꦩ꧀ꦧꦏꦶꦥꦸꦤ꧀ꦱꦒꦺꦣ꧀ꦢꦶꦥꦸꦤ꧀ꦠꦭꦮꦺꦴꦤ꧀ꦠꦼꦤ꧀ꦲꦶꦁꦱꦮꦠꦮꦶꦱ꧀ꦱꦶꦱ꧀ꦠꦶꦩ꧀:ꦥꦺꦭꦺꦴꦒ꧀꧈ꦱꦺꦴꦫꦺꦴꦒ꧀/ꦩꦢꦺꦤ꧀ꦢ꧈ꦲꦸꦠꦮꦶꦱꦭꦺꦤ꧀ꦝꦿꦺꦴ꧉