ꦒꦸꦝꦼꦒ꧀
꧋ꦒꦸꦝꦼꦒ꧀ꦥꦸꦤꦶꦏꦝꦲꦫꦤ꧀ꦏ꦳ꦱ꧀ꦱꦏꦶꦁꦥꦿꦺꦴꦮ꦳ꦶꦤ꧀ꦱꦶꦪꦺꦴꦒꦾꦏꦂꦠꦭꦤ꧀ꦗꦮꦶꦠꦼꦔꦃ꧈ꦲꦶꦁꦏꦁꦢꦶꦥꦸꦤ꧀ꦢꦩꦼꦭ꧀ꦱꦏꦶꦁꦒꦺꦴꦫꦶ(ꦤꦁꦏꦲꦶꦁꦏꦁꦠꦏ꧀ꦱꦶꦃꦲꦼꦤꦺꦩ꧀)꧈ꦢꦶꦥꦸꦤ꧀ꦏꦼꦏꦼꦥ꧀ꦏꦭꦶꦪꦤ꧀ꦫꦺꦴꦤ꧀ꦗꦠꦶꦭꦤ꧀ꦢꦶꦥꦸꦔꦺꦴꦝꦺꦴꦒ꧀ꦔꦁꦒꦺꦈꦪꦃ꧈ꦩꦺꦴꦠꦺꦴ꧈ꦏ꧀ꦭꦸꦮꦼꦏ꧀ꦭꦤ꧀ꦧꦸꦩ꧀ꦧꦸꦱꦤꦺꦱꦶꦥꦸꦤ꧀꧈ꦢꦶꦥꦸꦤ꧀ꦧꦼꦠꦲꦏꦼꦤ꧀ꦮꦼꦏ꧀ꦢꦭ꧀ꦲꦶꦁꦏꦁꦢꦔꦸꦏꦁꦒꦺꦩꦱꦏ꧀ꦒꦸꦝꦼꦒ꧀꧈ꦮꦼꦂꦤꦶꦕꦺꦴꦏ꧀ꦭꦠ꧀ꦭꦶꦩꦿꦲꦶꦥꦸꦤ꧀ꦢꦶꦥꦸꦤꦱꦶꦭꦏꦼꦤ꧀ꦱꦏꦶꦁꦫꦺꦴꦤ꧀ꦗꦠꦶꦆꦁꦏꦁꦢꦶꦥꦸꦤ꧀ꦩꦱꦏ꧀ꦱꦼꦱꦉꦔꦤ꧀꧈ꦒꦸꦝꦼꦒ꧀ꦢꦶꦥꦸꦤ꧀ꦝꦲꦂꦔꦁꦒꦺꦱꦼꦏꦸꦭ꧀ꦭꦤ꧀ꦢꦶꦥꦸꦤ꧀ꦱꦗꦺꦏꦏꦼꦤ꧀ꦔꦁꦒꦺꦢꦸꦢꦸꦃꦱꦤ꧀ꦠꦼꦤ꧀ꦏꦼꦤ꧀ꦛꦼꦭ꧀(ꦄꦫꦺꦃ)꧈ꦄꦪꦩ꧀ꦏꦩ꧀ꦥꦸꦁ꧈ꦠꦶꦒꦤ꧀꧈ꦠꦲꦸꦭꦤ꧀ꦱꦩ꧀ꦧꦼꦭ꧀ꦒꦺꦴꦫꦺꦁꦏꦿꦺꦕꦺꦏ꧀꧉
ꦲꦱꦭ꧀ꦲꦸꦱꦸꦭ꧀
besut꧋ꦲꦶꦁꦗꦮꦠꦼꦔꦃ꧈ꦲꦤꦊꦒꦼꦤ꧀ꦢꦱꦶꦁꦔꦸꦧꦸꦔꦏꦼꦲꦱꦭ꧀-ꦲꦸꦱꦸꦭ꧀ꦒꦸꦢꦼꦒ꧀ꦭꦤ꧀ꦏꦱꦸꦭ꧀ꦠꦤꦤ꧀ꦩꦠꦫꦩ꧀ꦲꦶꦁꦥꦸꦁꦏꦱꦤ꧀ꦲꦧꦢ꧀ꦏꦥꦶꦁ꧇꧑꧖꧇꧉ꦏꦕꦫꦶꦠꦤꦭꦶꦏꦱꦼꦩꦤꦥꦫꦥꦼꦗꦸꦮꦁꦱꦶꦁꦔꦿꦼꦱꦶꦏꦶꦲꦭꦱ꧀ꦏꦁꦒꦺꦴꦥꦩ꧀ꦧꦔꦸꦤꦤ꧀ꦲꦶꦧꦸꦏꦸꦛꦤꦼꦒꦫꦲꦚꦂꦲꦶꦁꦮꦶꦭꦪꦃꦪꦺꦴꦒꦾꦏꦂꦠꦲꦺꦴꦫꦤꦩ꧀ꦥꦥꦱꦺꦴꦏꦤ꧀ꦥꦔꦤꦤ꧀ꦱꦶꦁꦕꦸꦏꦸꦥ꧀꧈ꦱꦲꦸꦤ꧀ꦠꦫꦩꦸꦁꦮꦶꦠ꧀ꦤꦁꦏꦭꦤ꧀ꦏ꧀ꦭꦥꦱꦶꦁꦠꦸꦮꦸꦃꦱꦸꦧꦸꦂꦲꦶꦁꦲꦭꦱ꧀꧈ꦤꦭꦶꦏꦲꦶꦱꦶꦃꦲꦼꦤꦺꦴꦩ꧀꧈ꦤꦁꦏꦲꦶꦏꦸꦲꦺꦴꦫꦧꦶꦱꦢꦶꦥꦔꦤ꧀ꦩꦼꦤ꧀ꦠꦃ꧈ꦤꦁꦏꦲꦼꦤꦺꦴꦩ꧀ꦏꦱꦼꦧꦸꦠ꧀ꦧꦚ꧀ꦗꦸꦂꦲꦶꦁꦱꦤ꧀ꦠꦼꦤ꧀ꦲꦶꦁꦥꦚ꧀ꦕꦶꦭꦺꦴꦒꦩ꧀ꦒꦼꦝꦺꦭꦤ꧀ꦢꦶꦲꦢꦸꦏ꧀ꦔꦁꦒꦺꦴꦥꦥꦤ꧀ꦏꦪꦸ꧈ꦲꦶꦁꦧꦱꦗꦮꦫꦶꦏꦭꦆꦏꦸꦕꦫꦩꦱꦏ꧀ꦏꦱꦼꦧꦸꦠ꧀ꦏꦱꦼꦧꦸꦠ꧀ꦲꦔꦸꦢꦼꦏ꧀꧉ꦱꦏꦠꦼꦩ꧀ꦧꦸꦁꦏꦱꦼꦧꦸꦠ꧀ꦩꦶꦠꦸꦫꦸꦠ꧀ꦊꦒꦼꦤ꧀ꦢ꧈ꦢꦢꦶꦲꦱꦭ꧀ꦗꦼꦤꦼꦁꦥꦔꦤꦤ꧀ꦱꦶꦁꦢꦶꦠꦼꦩꦺꦴꦏꦏꦼꦢꦼꦤꦶꦁꦥꦿꦗꦸꦫꦶꦠ꧀ꦩꦠꦫꦩ꧀ꦲꦶꦏꦶ꧈"ꦒꦸꦝꦼꦒ꧀"꧉[1]
꧋ꦮꦺꦴꦤ꧀ꦠꦼꦤ꧀ꦮꦂꦤꦶ-ꦮꦂꦤꦶꦮ꦳ꦫꦶꦪꦤ꧀ꦒꦸꦝꦼꦒ꧀꧈ꦲꦶꦁꦲꦤ꧀ꦠꦮꦶꦱꦶꦥꦸꦤ꧀:
- ꦒꦸꦝꦼꦒ꧀ꦒꦫꦶꦁ꧈ꦲꦶꦁꦒꦶꦃꦥꦸꦤꦶꦏꦒꦸꦝꦼꦒ꧀ꦲꦶꦁꦏꦁꦢꦶꦥꦸꦤ꧀ꦱꦗꦺꦏꦏꦼꦤ꧀ꦔꦁꦒꦺꦲꦫꦺꦃꦏꦼꦤ꧀ꦛꦼꦭ꧀꧈ꦭꦁꦏꦸꦁꦏꦼꦤ꧀ꦛꦼꦭ꧀ꦠꦶꦤꦶꦩ꧀ꦧꦁꦱꦤ꧀ꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦩꦱꦏꦤ꧀ꦥꦢꦁ꧉
- ꦒꦸꦝꦼꦒ꧀ꦠꦼꦊꦱ꧀꧈ꦲꦶꦁꦒꦶꦃꦥꦸꦤꦶꦏꦒꦸꦝꦼꦒ꧀ꦲꦶꦁꦏꦁꦢꦶꦥꦸꦤ꧀ꦱꦗꦺꦏꦏꦼꦤ꧀ꦔꦁꦒꦺꦲꦫꦺꦃꦲꦺꦚ꧀ꦕꦺꦂ꧉
- ꦒꦸꦝꦼꦒ꧀ꦱꦭ꧈ꦲꦶꦁꦒꦶꦃꦥꦸꦤꦶꦏꦒꦸꦝꦼꦒ꧀ꦲꦶꦁꦏꦁꦲꦫꦺꦃꦲꦶꦥꦸꦤ꧀ꦮꦂꦤꦶꦥꦼꦛꦏ꧀꧉ꦲꦢꦠꦶꦥꦸꦤ꧀ꦲꦶꦁꦗꦮꦶꦠꦼꦔꦃꦱꦗꦮꦶꦤꦶꦥꦸꦤ꧀ꦪꦺꦴꦒꦾꦏꦂꦠ꧈ꦲꦸꦒꦶꦔꦁꦒꦺꦠꦩ꧀ꦧꦲꦤ꧀ꦫꦺꦴꦤ꧀ꦏꦼꦠꦺꦭꦥꦺꦴꦲꦸꦁ꧉
ꦕꦫꦤꦶꦥꦸꦤ꧀ꦚꦗꦺꦏꦏꦼꦤ꧀ꦒꦸꦝꦼꦒ꧀
besut꧋ꦒꦸꦝꦼꦒ꧀ꦧꦶꦪꦱꦢꦶꦥꦸꦤ꧀ꦱꦗꦺꦏꦏꦼꦤ꧀ꦏꦭꦶꦪꦤ꧀ꦠꦶꦒꦤ꧀ꦥꦶꦤ꧀ꦝꦁ꧈ꦠꦺꦩ꧀ꦥꦺꦧꦕꦼꦩ꧀꧈ꦠꦲꦸꦧꦕꦼꦩ꧀꧈ꦱꦩ꧀ꦧꦼꦭ꧀ꦒꦺꦴꦉꦁꦏꦿꦺꦕꦺꦏ꧀ꦲꦶꦁꦏꦁꦢꦶꦥꦸꦤ꧀ꦢꦩꦼꦭ꧀ꦱꦏꦶꦁꦏꦸꦭꦶꦠ꧀ꦊꦩ꧀ꦧꦸꦲꦸꦠꦮꦶꦲꦸꦒꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦢꦶꦥꦸꦤ꧀ꦱꦗꦺꦏꦏꦼꦤ꧀ꦏꦭꦶꦪꦤ꧀ꦄꦪꦩ꧀ꦒꦺꦴꦉꦁꦏꦭꦱꦤ꧀[2]꧉ꦮꦝꦃꦏꦁꦒꦺꦚꦗꦺꦏꦏꦼꦤ꧀ꦒꦸꦝꦼꦒ꧀ꦲꦸꦒꦶꦩꦤꦺꦏꦮꦂꦤ꧈ꦲꦤ꧀ꦠꦮꦶꦱꦶꦥꦸꦤ꧀ꦠꦩ꧀ꦥꦃꦲꦭꦶꦠ꧀ꦱꦏꦶꦁꦥꦿꦶꦁ꧈ꦮꦝꦃꦏꦼꦤ꧀ꦢꦶꦭ꧀ꦲꦸꦠꦮꦶꦥꦶꦫꦶꦁꦏꦢꦺꦴꦱ꧀ꦢꦼꦝꦲꦫꦤ꧀ꦭꦶꦪ[3]꧉
ꦲꦸꦒꦢꦼꦊꦁꦔꦼꦤ꧀
besutꦕꦛꦼꦠꦤ꧀ꦱꦸꦏꦸ
besut- ↑ Sri Anindiati Nursastri (2016-11-16). "Asal-usul Gudeg dan Kisah Tentang Prajurit Mataram" (ing basa Indonesia). Kompas. Dibukak ing 2018-04-13.
- ↑ bebasbicara.indonesianforum.net
- ↑ "jalanasik.com". Diarsip saka sing asli ing 2011-10-19. Dibukak ing 2011-06-02.
| Artikel iki minangka artikel rintisan. Kowé bisa ngéwangi Wikipédia ngembangaké. |