ꦝꦸꦒ꧀ꦝꦺꦫꦤ꧀
꧋ꦝꦸꦒ꧀ꦝꦺꦫꦤ꧀ꦪꦲꦶꦏꦸꦱꦭꦃꦱꦶꦗꦶꦤꦺꦲꦢꦶꦕꦫꦠꦿꦢꦶꦱꦶꦏꦸꦛꦱꦼꦩꦫꦁꦏꦁꦢꦶꦪꦤꦏꦏꦺꦱꦼꦩꦶꦁꦒꦸꦱꦢꦸꦫꦸꦔꦺꦥꦱ꧉ꦠꦼꦩ꧀ꦧꦸꦁꦝꦸꦒ꧀ꦢꦺꦫꦤ꧀ꦲꦶꦏꦸꦢꦸꦩꦢꦶꦱꦏ"ꦝꦸꦒ꧀ꦝꦸꦒ꧀"ꦏꦁꦠꦼꦒꦼꦱꦺꦧꦼꦝꦸꦒ꧀ꦭꦤ꧀"ꦝꦺꦂ"ꦏꦁꦔꦼꦩꦸꦱꦸꦫꦱꦱ꧀ꦮꦫꦩꦿꦶꦪꦼꦩ꧀꧈[1]ꦝꦸꦒ꧀ꦢꦺꦫꦤ꧀ꦥꦢꦠꦤ꧀ꦢꦶꦲꦤꦏꦏꦺꦲꦤꦲꦺꦴꦁꦥꦱꦂꦗꦺꦴꦲꦂ꧈ꦤꦔꦶꦁꦱꦲꦶꦏꦶꦝꦸꦒ꧀ꦢꦺꦫꦤ꧀ꦢꦶꦲꦤꦏꦏꦺꦲꦤꦲꦶꦁꦔꦉꦥ꧀ꦱ꧀ꦠꦱꦶꦪꦸꦤ꧀ꦠꦮꦁ꧉ꦝꦸꦒ꧀ꦢꦺꦫꦤ꧀ꦫꦕꦏꦺꦢꦶꦫꦩꦼꦏꦏꦺꦏꦭꦶꦪꦤ꧀ꦥꦱꦂꦠꦿꦢꦶꦱꦶ꧈ꦗꦗꦤ꧀ꦗꦗꦤ꧀ꦥꦱꦂ꧈ꦢꦺꦴꦭꦤꦤ꧀ꦢꦺꦴꦭꦤꦤ꧀꧈ꦭꦤ꧀ꦱꦏ꧀ꦥꦤꦸꦁꦒꦭꦤꦺ꧉ꦢꦺꦴꦭꦤꦤ꧀ꦏꦁꦏ꦳ꦱ꧀ꦲꦤꦲꦶꦁꦝꦸꦒ꧀ꦢꦼꦫꦤ꧀ꦪꦲꦶꦏꦸꦮꦫꦏ꧀ꦔꦼꦤ꧀ꦝꦺꦴꦒ꧀ꦭꦤ꧀ꦢꦺꦴꦭꦤꦤ꧀ꦥꦱꦫꦤ꧀ꦏꦁꦢꦶꦒꦮꦺꦱꦏꦊꦩꦃ(ꦒꦿꦧꦃ)꧉ꦲꦕꦫꦥꦸꦚ꧀ꦕꦏ꧀ꦲꦶꦁꦝꦸꦒ꧀ꦢꦺꦫꦤ꧀ꦫꦕꦏꦺꦢꦶꦲꦤꦏꦏꦺꦠꦼꦭꦸꦁꦢꦶꦤꦱꦢꦸꦫꦸꦔꦺꦥꦱꦢꦶꦮꦶꦮꦶꦠꦶ꧉ꦲꦢꦶꦕꦫꦲꦶꦏꦸꦢꦶꦫꦩꦼꦏꦏꦺꦏꦤ꧀ꦛꦶꦔꦤꦏꦏꦺꦏꦂꦤꦮ꦳ꦭ꧀ꦮꦫꦏ꧀ꦔꦼꦤ꧀ꦝꦺꦴꦒ꧀ꦏꦁꦢꦶꦥꦼꦭꦺꦴꦤꦶꦥꦫꦥꦼꦗꦧꦠ꧀ꦲꦤꦲꦶꦁꦏꦸꦛꦱꦼꦩꦫꦁ꧈ꦥꦫꦱꦶꦱ꧀ꦮꦏꦁꦏꦥꦶꦭꦶꦃ꧈ꦥꦫꦱꦼꦤꦶꦩꦤ꧀꧈ꦭꦤ꧀ꦱꦏ꧀ꦥꦤꦸꦁꦒꦭꦤꦺ꧉
꧋ꦱꦢꦸꦫꦸꦁꦔꦺꦏꦂꦤꦮ꦳ꦭ꧀ꦮꦫꦏ꧀ꦔꦼꦤ꧀ꦝꦺꦴꦒ꧀ꦢꦶꦩꦸꦭꦻ꧈ꦲꦢꦶꦕꦫꦲꦶꦏꦸꦢꦶꦮꦶꦮꦶꦠꦶꦏꦤ꧀ꦛꦶꦢꦺꦴꦔꦧꦉꦁꦧꦉꦁꦱꦸꦥꦪꦏꦸꦛꦱꦼꦩꦫꦁꦭꦤ꧀ꦮꦂꦒꦤꦺꦢꦢꦶꦭꦸꦮꦶꦃꦲꦥꦶꦏ꧀ꦏꦧꦺꦃ꧉
꧋ꦝꦸꦒ꧀ꦝꦺꦫꦤ꧀ꦱꦭꦶꦪꦤꦺꦏꦁꦒꦺꦴꦱꦫꦤꦲꦶꦧꦸꦫꦤ꧀ꦲꦸꦒꦢꦶꦩꦏ꧀ꦱꦸꦢꦏꦺꦏꦁꦒꦺꦴꦱꦫꦤꦢꦏ꧀ꦮꦃꦆꦱ꧀ꦭꦩ꧀꧈
ꦱꦗꦫꦃ
besut꧋ꦝꦸꦒ꧀ꦝꦺꦫꦤ꧀ꦢꦶꦮꦶꦮꦶꦠꦶꦲꦶꦁꦥꦩꦫꦺꦤ꧀ꦠꦲꦤꦺꦏꦚ꧀ꦗꦼꦁꦧꦸꦥꦠꦶꦫꦩꦠꦄꦥꦸꦂꦧꦤꦶꦔꦿꦠ꧀ꦤꦭꦶꦏꦠꦲꦸꦤ꧀꧇꧑꧘꧙꧑꧇ꦩꦶꦤꦁꦏꦥꦿꦠꦤ꧀ꦝꦠꦼꦏꦤꦺꦮꦸꦭꦤ꧀ꦱꦸꦕꦶꦫꦩꦼꦭꦤ꧀꧉[2]ꦤꦭꦶꦏꦱꦼꦩꦤ꧈ꦫꦢꦼꦤ꧀ꦠꦸꦩꦼꦁꦒꦸꦁꦥꦸꦂꦧꦺꦴꦤꦶꦔꦿꦠ꧀ꦔꦼꦂꦱꦏꦏꦺꦲꦤꦤꦺꦠꦤ꧀ꦝꦮꦶꦮꦶꦠꦶꦁꦥꦱꦏꦁꦒꦺꦴꦧꦼꦧꦿꦪꦤ꧀ꦲꦒꦸꦁꦏꦸꦛꦱꦼꦩꦫꦁ꧉ꦲꦮꦶꦠ꧀ꦱꦏꦲꦶꦏꦸ꧈ꦢꦶꦲꦤꦏꦏꦺꦏꦒꦶꦪꦠꦤ꧀ꦲꦶꦁꦲꦭꦸꦤ꧀ꦲꦭꦸꦤ꧀ꦏꦁꦢꦶꦠꦼꦏꦤꦶꦱꦏꦤꦤꦺꦲꦺꦠ꧀ꦤꦶꦱ꧀ꦭꦤ꧀ꦒꦺꦴꦭꦺꦴꦔꦤ꧀ꦩꦱꦫꦏꦠ꧀ꦱꦼꦩꦫꦁ꧉[3]ꦲꦶꦁꦗꦩꦤ꧀ꦏꦺꦴꦭꦺꦴꦤꦶꦪꦭ꧀ꦮꦭꦤ꧀ꦢꦥ꦳ꦺꦱ꧀ꦠꦶꦮ꦳ꦭ꧀ꦝꦸꦒ꧀ꦢꦺꦫꦤ꧀ꦢꦶꦥꦸꦱꦠꦏꦺꦲꦶꦁꦠ꧀ꦭꦠꦃꦱꦶꦩ꧀ꦥꦁꦭꦶꦩꦱꦼꦩꦫꦁ꧉
ꦕꦛꦼꦠꦤ꧀ꦱꦶꦏꦶꦭ꧀
besut- ↑ Suara Merdeka, edisi Kamis, 19 Juli 2012
- ↑ SEMARANG TOURISM INFO[pranala mati permanèn]
- ↑ Pawai Dugderan Berlangsung Kamis Ini