ꦠꦿꦝꦶꦱꦶꦥꦼꦛꦶꦏ꧀ꦠꦶꦂꦠ
꧋ꦥꦼꦛꦶꦏ꧀ꦠꦶꦂꦠꦪꦻꦏꦸꦱꦭꦃꦱꦮ꧀ꦗꦶꦤꦶꦁꦠꦿꦣꦶꦱꦶꦩꦼꦂꦠꦶꦢꦺꦱꦏꦁꦄꦤꦆꦁꦣꦺꦱꦗꦼꦤꦂꦭꦺꦴꦂ꧈ꦏꦕꦩꦠꦤ꧀ꦥꦸꦂꦮꦺꦴꦣꦝꦶ꧈ꦏꦧꦸꦥꦠꦺꦤ꧀ꦥꦸꦂꦮꦫꦺꦗ꧉ꦥꦼꦛꦶꦏ꧀ꦠꦶꦂꦠꦆꦏꦸꦄꦱꦭꦺꦱꦏꦠꦼꦩ꧀ꦧꦸꦁꦥꦼꦛꦶꦏ꧀ꦏꦁꦠꦼꦒꦼꦱꦺꦚ꧀ꦗꦸꦥꦸꦏ꧀ꦭꦤ꧀ꦠꦶꦂꦠꦏꦁꦠꦼꦒꦼꦱꦺꦧꦚꦸ꧉ꦩꦶꦠꦸꦫꦸꦠ꧀ꦌꦠꦶꦩꦺꦴꦭꦺꦴꦒꦶꦱ꧀ꦥꦼꦛꦶꦏ꧀ꦠꦶꦂꦠꦪꦻꦏꦸꦈꦥꦕꦫꦚ꧀ꦗꦸꦥꦸꦏ꧀ꦧꦚꦸ(ꦏꦁꦣꦶꦠꦶꦤ꧀ꦝꦏꦏꦺꦆꦁꦱꦸꦩꦸꦂꦠꦭꦁ꧈ꦪꦻꦏꦸꦱꦸꦩꦸꦂꦧꦼꦗꦶ/ꦠꦸꦮꦏꦁꦄꦤꦆꦁꦣꦸꦱꦸꦤ꧀ꦠꦭꦁꦧꦒꦸꦱ꧀ꦣꦺꦱꦗꦼꦤꦂꦭꦺꦴꦂ꧈ꦏꦕꦩꦠꦤ꧀ꦥꦸꦂꦮꦺꦴꦣꦝꦶ)ꦏꦁꦣꦶꦥꦼꦂꦕꦪꦔ꧀ꦒꦮꦧꦼꦂꦏꦃ꧉
꧋ꦩꦸꦭꦧꦸꦏꦤꦺꦈꦥꦕꦫꦆꦏꦶꦄꦤꦒꦤ꧀ꦝꦺꦁꦕꦺꦤꦺꦔꦺꦏꦫꦺꦴꦄꦤꦤꦺꦧꦸꦭꦏ꧀(ꦥꦥꦤ꧀ꦏꦁꦗꦼꦩ꧀ꦧꦂꦏꦁꦒꦺꦴꦠꦺꦠꦤꦺꦤ꧀)ꦏꦁꦔꦿꦸꦒ꧀ꦏꦺꦧꦶꦣꦺꦱꦗꦼꦤꦂꦭꦺꦴꦂ꧈ꦗꦼꦤꦂꦏꦶꦣꦸꦭ꧀꧈ꦮꦭꦶꦏꦺꦴꦫꦺꦴ꧈ꦱꦿꦸꦮꦺꦴꦃ꧈ꦱꦶꦁꦏꦶꦭ꧀ꦮꦶꦁꦏꦺꦴ꧈ꦥꦸꦤ꧀ꦝꦺꦤ꧀ꦱꦫꦶ꧈ꦗꦼꦤꦂꦮꦺꦠꦤ꧀꧉ꦱꦻꦏꦶꦧꦸꦭꦏ꧀ꦆꦏꦸꦏꦮꦺꦤ꧀ꦠꦂꦏꦤ꧀ꦛꦶꦗꦺꦤꦺꦁꦧꦸꦭꦏ꧀ꦏꦼꦛꦶꦥ꧀꧈
꧋ꦈꦥꦕꦫꦥꦼꦛꦶꦏ꧀ꦠꦶꦂꦠꦆꦁꦣꦺꦱꦗꦼꦤꦂꦭꦺꦴꦂꦮꦶꦱ꧀ꦏꦭꦏ꧀ꦱꦤꦤ꧀ꦮꦶꦮꦶꦠ꧀ꦗꦩꦤ꧀ꦲꦶꦤ꧀ꦝꦸꦧꦸꦣꦭꦤ꧀ꦱꦣꦸꦫꦸꦔꦺꦆꦱ꧀ꦭꦩ꧀ꦭꦸꦩꦺꦧꦸꦆꦁꦠ꧀ꦭꦠꦃꦗꦼꦤꦂ꧉ꦱꦮꦶꦱꦺꦆꦱ꧀ꦭꦩ꧀ꦠꦼꦏ꧈ꦠꦿꦣꦶꦱꦶꦆꦏꦶꦠꦼꦠꦼꦥ꧀ꦄꦤꦭꦤ꧀ꦝꦣꦶꦠꦿꦣꦶꦱꦶꦫꦸꦠꦶꦤ꧀ꦠꦻꦴꦤꦤ꧀ꦏꦤ꧀ꦛꦶꦠꦸꦗꦸꦮꦤ꧀ꦈꦠꦩꦪꦻꦏꦸ꧇
- ꦏꦺꦴꦚ꧀ꦗꦸꦏ꧀ꦱꦾꦸꦏꦸꦂꦩꦫꦁꦄꦭ꧀ꦭꦃꦏꦁꦩꦲꦠꦸꦁꦒꦭ꧀ꦄꦮꦶꦠ꧀ꦱꦏꦉꦗꦼꦏꦶꦏꦁꦩꦺꦴꦫꦃꦩꦫꦺꦃꦱꦏꦥꦤꦺꦤ꧀꧈
- ꦥꦼꦛꦶꦏ꧀ꦠꦶꦂꦠꦩꦶꦤꦁꦏꦮꦸꦗꦸꦣ꧀ꦩꦠꦸꦂꦤꦸꦮꦸꦤ꧀ꦩꦫꦁꦊꦭꦸꦲꦸꦂꦪꦻꦏꦸꦧꦼꦛꦫꦭꦺꦴꦮꦤꦺꦴꦏꦁꦔ꧀ꦒꦮꦺꦱꦸꦩꦸꦂꦭꦤ꧀ꦩ꧀ꦧꦸꦏꦏ꧀ꦭꦲꦤ꧀ꦱꦮꦃ꧉
- ꦥꦼꦛꦶꦏ꧀ꦠꦶꦂꦠꦩꦶꦤꦁꦏꦮꦸꦗꦸꦣ꧀ꦥꦤꦸꦮꦸꦤ꧀ꦱꦸꦥꦪꦮꦂꦒꦣꦺꦱꦥꦶꦤꦫꦶꦔꦤ꧀ꦱ꧀ꦭꦩꦺꦠ꧀ꦭꦻꦂꦭꦤ꧀ꦧꦠꦶꦤ꧀ꦣꦮꦈꦩꦸꦂ꧈ꦭꦤ꧀ꦩꦸꦫꦃꦉꦗ꦳ꦼꦏꦶ꧉