Tuduhaké menu pokok

Aborsi ya iku rampunging metengé wong déning ngilangi sawiji janin utawa èmbrio sadurungé janin iku mau panggah bisa urip ing njaba rahim.[note 1] Sawiji aborsi kang kedadéan kanthi spontan uga diarani keluron. Aborsi bisa sengaja kedadéan lan banjur diarani induced abortion, utawa arangé diarani "induced miscarriage" / (keluron kanthi sengaja). Tembung aborsi iku asringé digunakaké mung kanggo negesi induced abortion. Procedur kang persis sawisé janin isih bisa panggah bisa urip ing njaba rahim diarani "ngakiri meteng tuwa".[1]

Nalika diolèhaké déning ukum lokal, aborsi ing nagara maju iku salah sawijining prosedur paling aman ing donya kedokteran.[2][3] Metodhe-metodhe modhèren nggunakaké usada utawa operasi kanggo aborsi.[4] Obat kang jenengé mifepristone dicampur karo prostaglandin dadi obat kang padha aman lan èfèktifé kaya operasi nalika meteng ing trimèster kapisan, kapindho, lan paling akir.[4][5] Pil KB, kang awujud kaya ta kapsul utawa piranti intrauterine, bisa digunakaké langsung sawisé aborsi.[5] Nalika dilkuaké kanthi sah lan aman, induced abortions ora munggahaké résiko masalah fisik utawa mental jangka suwé.[6] Kuwalikané, aborsi kang ora aman njalari matiné 47,000 manungsa lan 5 yuta manungsa mlebu rumah sakit saben taun.[6][7] World Health Organization (WHO) nyaranaké aborsi kang aman lang sah supaya bisa dianakaké kanggo kabèh wong wédok.[8]

Kira-kia ana 56 yuta aborsi kedadéan saben taun ing donya,[9] kang kurang saka setengahé dilakuaké kanthi ora aman.[10] Angka aborsi owah sithik antara taun 2003 lan 2008,[10] kang sadurungé mudhun paling ora rong dékade kapungkur amarga aksès kanggo kulawarga berencana lan pil kb munggah.[11] Ing taun  2008 , 40% saka wong wédok ing donya iki dhuwé aksès kanggo aborsi kang sah tanpa winatesan alesan.[12] Nagara-nagara kang ngolèhaké aborsi dhuwé watesan-watesan kang béda-béda gumantung marang enom-tuané metengé wong supaya aborsi bisa dilakuaké.[12]

RujukanBesut

CitationsBesut

  1. Grimes, DA; Stuart, G (2010).
  2. Grimes, DA; Benson, J; Singh, S; Romero, M; Ganatra, B; Okonofua, FE; Shah, IH (2006).
  3. Raymond, EG; Grossman, D; Weaver, MA; Toti, S; Winikoff, B (November 2014).
  4. a b Kulier, R; Kapp, N; Gülmezoglu, AM; Hofmeyr, GJ; Cheng, L; Campana, A (9 November 2011).
  5. a b Kapp, N; Whyte, P; Tang, J; Jackson, E; Brahmi, D (September 2013).
  6. a b Lohr, PA; Fjerstad, M; Desilva, U; Lyus, R (2014).
  7. Shah, I; Ahman, E (December 2009).
  8. World Health Organization (2012).
  9. Sedgh, Gilda; Bearak, Jonathan; Singh, Susheela; Bankole, Akinrinola; Popinchalk, Anna; Ganatra, Bela; Rossier, Clémentine; Gerdts, Caitlin; Tunçalp, Özge; Johnson, Brooke Ronald; Johnston, Heidi Bart; Alkema, Leontine (May 2016).
  10. a b Sedgh, G.; Singh, S.; Shah, I. H.; Åhman, E.; Henshaw, S. K.; Bankole, A. (2012).
  11. Sedgh G, Henshaw SK, Singh S, Bankole A, Drescher J (September 2007).
  12. a b Culwell KR, Vekemans M, de Silva U, Hurwitz M (July 2010).

CathetanBesut

  1. Definitions of abortion, as with many words, vary from source to source.